أسرع أكلة ممكن أى حد يفكر فينا يعملها لما يكون مستعجل، هى المكرونة بالصلصة الحمراء.. وصفة مضمونة، وسريعة ومُشبعة جدا جدا، والأهم من ده كله إنها مش مُكلفة! لما نتكلم عن المكرونة بالصوص الأحمر، نتكلم عن أسر مصرية كتيرة، بتلاقى نفسها فى إنجاز الأكل، أكتر من عمل وصفات معقدة، وبتاخد فى تحضيرها وقت طويل وبترهق ست البيت، وأحيانا كتير بترهق الميزانية.. أما عن طريقة تحضير مكرونة بالصلصة الحمراء، فهى سهلة، لو ركزنا فى الخطوات كويس، وعملنا التكات اللى هنقول عليها فى طريقة التحضير.. يلا بينا نتعلمها.

طريقة تحضير مكرونة بالصلصة الحمراء "الصوص الأحمر":  

المكونات:

350 جم مكرونة قلم

3 ملعقة طعام معجون طماطم

1/4 لتر عصير طماطم

فص ثوم مفروم

ملعقة شاى ملح

1/4 ملعقة شاى فلفل أسود

 1/4 ملعقة شاى ببريكا

2 ملعقة طعام زيت نباتى

50 جرام زبدة

جبنة بارميزان مبشورة (للتزيين – حسب الرغبة)

ريحان طازج (للتزيين – حسب الرغبة)

طريقة التحضير:

فى وعاء عميق نضع حوالى لتر ونصف من الماء ونضيف إليه رشة من الملح ونتركه حتى يصل لدرجة الغليان.

بعد غليان الماء نضيف المكرونة ونخفض درجة الحرارة إلى هادئة، ونقلبها حتى لا تلتصق بقاع الوعاء، ونترك المكرونة فترة من 8-10 دقيقة لتصل لمرحلة التسوية، ويُراعى ألا نترك المكرونة تصل للتسوية التامة، يجب أن نرفعها وهى غير كاملة التسوية أى بها (عضَّة)، حيث سنستكمل تسويتها فى الخطوات التالية. وأثناء فترة تسوية المكرونة، نبدأ فى تحضير الصلصة الحمراء.

فى مقلاة عميقة نضع الزيت النباتى، ثم نضيف له الزبدة، ثم نُضيف الثوم المفروم، ونقلبه فى الزيت والزبدة لمدة دقيقتين، نُضيف بعدها معجون الطماطم وعصير الطماطم، ونضيف حوالى كوب من ماء سلق المكرونة، ونُقلب المكونات جميعا جيدا مع بعضها البعض.

نُضيف الملح والفلفل والببريكا، ونُقلب مرة أخرى، ثم نُغلق الغطاء ونترك المكونات على نار هادئة جدا لمدة 5 دقائق، حتى تتجانس تماما مع بعضها البعض.

نستخرج المكرونة بعد سلقها وتصفيتها من الماء، ونضعها مباشرة فى الوعاء المحتوي على الصلصة الحمراء، ونقلب جميع المكونات جيدا.

نترك المكرونة فى الصلصة الحمراء، لمدة 4 دقائق، على نار هادئة جدا، حتى تتشبع جميع حبات المكرونة بالصوص.

نضع المكرونة فى طبق التقديم، ونزينها بالجبنة البارميزان وورق الريحان الطازج، وتُقدم ساخنة.

يلا بسرعة، جربوا وصفتنا لأنها فعلا لذيذة وتستاهل.. لو عاوزين تشوفوا فيديو طريقة التحضير، افتحوا الرابط ده، وبالهنا.