عندكوا أزمة مع وجبة الفطار؟! أيوه صح؟! أغلبنا عنده مشكلة كبيرة وعميقة مع وجبة الفطار، كتير جدا جدا مننا مش بياخد وجبة الفطار بتاعته فى معادها، بيأخرها لغاية ما ينساها، وكتير مننا بيكسل يفطر، وكتير مننا بيخاف من الزيوت والدهون اللى فى أكلات الفطار، وغيرنا بيخاف من الأملاح الزيادة، وغيرنا الفطار بيبوظ وزنه ويخلي الجسم يملا زيادة!!

الفطار مع الشغل عنصران لا يجتمعان، يعنى لو صحيت متأخر أكيد مش هتفطر، ولو صحيتى بدرى هتفضلى تتوضبى وتتأنتكى قدام المراية بدل ما تعملى لنفسك حاجة تفطرى بيها، ولو كنتوا لسه طلبة يبقى غالبا هتفطروا فى المدرسة أو فى الجامعة مش فى البيت، وساعتها هيبقى كل اللى كنتوا خايفين منه فى وجبة الفطار هيحصل، لأنه هيكون أكل غير صحى، ومليان بقى من الزيوت والدهون والحاجات اللى بتهربوا منها عشان تحافظوا على صحتكم ووزنكم.

احنا فى مدونتنا #جوا_الحلة وعدناكم إننا هنهتم بوجبة الفطار جدا فى موضوعات المدونة، هنستعرض معاكم فيها أنواع لطرق كتيرة لفطار صحى شهى ولذيذ، ومش بس كده وكمان بيتحضر بسرعة جدا، يعنى ممكن تحضيره ياخد مدة من 5 لـــ 10 دقايق بالكتير ومش هيكون فيه أى لغوصة، يعنى لا تسخين ولا تحمير ولا قلية، وجبة الفطار معانا هتكون أنيقة جدا وصحية جدا جدا ومميزة بشكل رهيب، والنهاردة هنستعرض معاكم وجبة الشيا مع اللبن والفواكه.

فطارنا النهاردة معتمد على بذور الشيا ولبن اللوز، وكمان فواكه الموسم اللى هنعملها فى شكل Smoothie نضيفه على الشيا واللبن.

فوائد بذور الشيا:

عالية بالألياف، تحتوي الملعقة الكبيرة من بذور الشيا على 4.8 جرام من الألياف التي تُساعد الجهاز الهضمي على العمل بكفاءة وامتصاص العناصر الغذائية بامتياز. غنية بالأوميجا 3، تحتوي بذور الشيا على نسبة عالية من أوميجا 3 الذي يعمل على زيادة الذكاء ومقاومة السرطان وتقليل الكوليسترول الضار. غنية بالكالسيوم، أى أنها تقى العظام من الهشاشة. مفيدة لصحة القلب، حيث تحسن من ضغط الدم وتزيد نسبة الكوليسترول الجيد وتقلل من  نسبة الكوليسترول الضار. المادة الجيلاتينية الموجودة في بذور الشيا تعمل على إبطاء عملية الهضم وبالتالي تبطئ عملية امتصاص السكر في الدم مما يقلل من نسبة ارتفاع السكر عند مرضى السكري.

فوائد حليب اللوز:

هذا النوع من الحليب خالي من اللاكتوز والذي يسبّب الحساسية لمن يعاني من انتفاخات البطن، والإسهال، ولذلك يعتبر بديلاً صحياً عن حليب البقر. حليب اللوز حليب غنيّ بالبروتينات، والفيتامينات، والزنك، والألياف، والحديد، والكالسيوم، والمغنيسيوم، وغيرها الكثير من العناصر الغذائية المهمة للجسم. حليب اللوز مهمّ ومفيد في أمراض القلب وتخفيض نسبة الكوليسترول الضارّ من الجسم. غناه بمضادات الأكسدة يجعله مفيداً في الحماية من أمراض السرطان. هو حليب منخفض السعرات الحرارية والكوليسترول يفيد في خفض الوزن وزيادة الشعور بالشبع. غناه بفيتامين (E) يجعل منه حليباً مفيداً جدّاُ للبشرة ونضارتها، فهو مضاد للأكسدة والتي تحارب التجاعيد والتقدّم في السنّ.

المكونات:

100 جرام بذور شيا

1/2 ملعقة شاى فانيليا سائلة

1 ملعقة طعام عسل أبيض

1/4 ملعقة شاى قرفة مطحونة

1/4 كوب حليب اللوز (أو حليب خالى الدسم)

10 حبات توت أحمر

4 حبات توت أزرق (إن وُجد)

10 حبات توت أسود

10 حبات كريز

3 أصابع موز مُقشرة مُجمدة

2 حبة كيوى طازج

طريقة التحضير

نُحضر كوب زجاجى كبير ونضع به بذور الشيا والحليب والفانيليا والعسل الأبيض والقرفة، ونتركها حوالى ساعتين أو طول الليل، بالثلاجة (البراد) حتى تنتفش بذور الشيا داخل الحليب.

فى خلاط، نضع إصبع واحد من الموز المجمد ونُضيف إليه القليل من الحليب (حوالى ملعقتا طعام)، ونُضيف له 4 حبات من التوت الأحمر (للحصول على اللون الوردى)، ونخلط المكونات جيدا، بعدها نقوم بإضافة الخليط إلى طبقة الشيا بحليب اللوز.

نقوم بخلط كمية الموز المجمد المُتبقية مع ملعقتين من حليب اللوز ونُضيف لها حبات التوت الأزرق (للحصول على اللون الأزرق)، وفى حالة عدم توفر التوت الأزرق، يُمكن الاستعانة بمادة ملونة صحية زرقاء لإعطاء اللون المطلوب، ونخلط المكونات جيدا، ثم نضيفها كطبقة أخيرة إلى الكوب الزجاجى.

لتزيين الكوب، تُقَطَّع حبات الكيوى الطازج على شكل قلوب وتوضع داخل الكوب الزجاجى قبل البدء فى وضع طبقات الفطار الصحى التى شرحناها فى الخطوات السابقة.

 كما تُوضع حبات التوت الأحمر والأسود والكريز على قمة الكوب لإعطاء شكل جمالى وقيمة غذائية إضافية لمكونات وجبة الفطار.