احنا المصريين مش قليلين.. فى أوروبا عندهم سناكس.. واحنا عندنا قراقيش سناكس.. اللى جعان وعاوز ينأنأ يضرب قراقيش مصرية فلاحى مع مشروب سخن زى الشاى والا النسكافيه وينسى الجوع ويردم عليه. الوصفة دى جميلة فى كل المواقف والأوقات.. وفى كل الأماكن والظروف.. تنفع معاكى فى الأعياد وفى الأفراح وحفلات أعياد الميلاد.. تنفع جدا فى الرحلات واستقبال الضيوف.. الوصفة دى مش بتقول لأ.. معاكى وجنبك فى أى موقف بتنجز وتشبع وتبسط اللى ياكلها.

طريقة تحضير القراقيش الفلاحي:

المكونات:

6 أكواب دقيق 

كوب ونصف سمن بلدي

نصف كوب زيت 

2 ملعقة كبيرة سمسم

ملعقة صغيرة ينسون (حسب الرغبة)

ملعقة صغيرة شمر مطحون

نصف ملعقة صغيرة ملح 

2 ملعقة كبيرة خميرة فورية

ملعقة صغيرة سكر 

كوب ماء دافئ للعجن

طريقة التحضير:

نبدأ بتحضير الخميرة من خلال إذابتها فى القليل من الماء الدافئ وملعقة سكر ونتركها حتى ترتفع قليلاً. نضع الدقيق فى إناء عميق ونضيف إليه رشة ملح.

على نار متوسطة وفى إناء كبير نقدح السمن والزيت ثم نضيف السمسم والشمر والينسون.

فى منتصف الدقيق ننشئ حفرة ونصب السمن بهدوء وحرص، ونقلب الدقيق بملعقة خشبية حتى يتشرب السمن جيدًا. 

نترك الدقيق قليلاً حتى يهدأ ونبدأ في تقليبه باليد لنتأكد من امتزاج السمن بالدقيق، ثم  نضيف الخميرة ونعجن الخليط ونضيف الماء تدريجيًا حتى يصبح العجين لينًا.

نترك العجين ليختمر فى جو الغرفة ونغطيه بكيس بلاستيكى أو فوطة نظيفة وجافة. 

بعدما يختمر العجين نبدأ في تشكيله، ويمكن تشكيله من خلال تكوين كرات للعجين نفردها بالنشابة ثم نرصها فى الصينية ونتركها تختمر مرة ثانية.

مع اقتراب اختمار العجين نشعل الفرن على درجة حرارة 180 °م ونضع الصوانى قرب النار 10 دقائق حتى تحمر بشكل بسيط وبعدها نرفعها على رف الشبكة (الرف الأوسط) حتى تنضج فى قرابة نصف ساعة.

نتمنى تكون الوصفة عجبتكم.. جربوها لأنها لذيذة جدا وبتسد معانا فى كل الأوقات.. وبالهنا.