أكلك منين يا بطة؟ أكلك منين؟ يا جماعة الأكل مقامات، والبطة مقامها عالى لفوق، يعنى يتعمل لها غنوة ونسألها حضرتك يا ست بطة تحبى تتاكلى منين الأول وكده! انتوا بتحبوا تبدأوا بأكل أى جزء فى البطة؟ ورك والا صدر؟!

كان محفور فى ذكريات الطفولة بتاعتى إن فى أكل بتاكله الناس اللى عايشة فى العاصمة، وأكل تانى بياكله أهل الريف، كنت بعتقد إن أكل البط والحمام والوز والأرز المدسوس مرتبط ارتباط وثيق بسفرنا للبلد، ومازال سفرنا للبلد معناه إن نفس الأكلات دى أهلنا فى البلد يكرمونا ويحضروها لنا، أصل أكيد يعنى مش هيعملوا لنا مكرونة سباجيتى وفراخ بيضة، ولما كبرت فهمت إن ده #سلو_بلدنا إكرام الضيف.. بس حاليا الدنيا اتغيرت فى بلدنا، يعنى لما جه وقت الفطار، لاقيت قدامى على السفرة لانشون وجبنة كيرى.. تخيلوا، قعدت أسأل على القشطة والعيش البلدى ملقتش.. البلد اتمدنت خالص، وبقى في محل أو سوبر ماركت فى كل شبر تقريبا منها، وبقت الناس كلها تقريبا بتبيع وتشترى كل اللى بنبيع ونشترى فيه فى العاصمة، زعلت حسيت إن أريافنا فقدت هويتها.. بس بردو البط لسه موجود!

معلومات وفوائد غذائية:

تعتبر نسبة البروتنيات الموجودة بلحم البط من أكبر النسب بالمقارنة بالأنواع الأخرى من لحوم الطيور حيث إنه يحتوى على 16% من البروتين، حيث يحتوى 100 جرام من لحم البط على 23.5 جرام بروتين. يحتوى لحم البط على دهون صحية من دهون مشبعة بنسبة 35.7% وأحادية غير مشبعة 50.5% ، ودهون غير مشبعة 13.7% غنية بالأوميجا6 وأميجا3. يحتوى كذلك المعادن مثل الفسفور والزنك والنحاس والحديد والصوديوم وكل هذه المعادن تمنح جسم الإنسان الحيوية والطاقة وتعزز من الجهاز المناعي وتقوية. يساعد النحاس الموجود في لحم البط على تحسين الصحة البدنية والعقلية وتنشيط العقل وتقوية العظام وعلاج هشاشة العظام. تعمل مادة الأوميجا 3 و 6 الموجودة في لحم البط على زيادة نمو الشعر لذا فإنه مهم جداً للمرأة الباحثة عن شعر كثيف وقوي. يعمل فيتامين ب الموجود بكثرة في لحم البط على تنظيم عملية التمثيل الغذائي.

طريقة عمل البط المشوى فى الفرن

المكونات:

أولا: للبطة

بطة واحدة حديثة الذبح

بصلة كبيرة مقطعة حلقات

4 فص ثوم مقطع شرائح

قطعة زنجبيل طازج

ملح + فلف أسود مطحون + كمون مطحون + ببريكا + زعتر ناشف

ثانيا: للصوص

زيت زيتون

4 فصوص ثوم مقطع شرائح

1/2 علبة فاصوليا حمراء جاهزة

ملعقة طعام صويا صوص

1/2 ملعقة طعام خل أبيض

1/2 ملعقة طعام عسل أبيض (حسب الرغبة)

طريقة التحضير

تُغسل البطة جيدا بالماء الجارى ثم تُنقع فى وعاء به ماء وخل لمدة نصف ساعة، تستخرج بعدها من الوعاء وتشطف جيدا مرة أخرى بالماء الجارى وتترك لتجف.

نبدأ بعدها فى تتبيل البطة، وذلك بفتح فراغ البطن ووضع الملح والفلفل بداخله وتوزيعه جيدا فى الفراغ البطنى، ثم نضع شرائح البصل والثوم، ونقوم بتقطيع قطعة الزنجبيل إلى شرائح ونضعها كذلك فى التجويف البطنى للبطة، لإعطاء التتبيل والمذاق الرائعين.

نقوم بتتبيل السطح الخارجة للبطة، باستخدام الملح والفلفل والكمون والببريكا والزعتر الناشف، ونراعى أن يتم توزيع التوابل بالتساوى على كافة أجزاء البطة الخارجية بما فيها الأجنحة.

فى صينية مناسبة، نضع بداخلها شبكة شواء ونضع أسفل الشبكة حوالى 2 كوب من الماء، وأعلى الشبكة نضع البطة، ثم ندخلها الفرن على درجة حرارة 160°م لمدة 3 ساعات ونصف، حتى تمام التسوية والحصول على سطح محمر ومقرمش.

تبدأ عملية تحضير الصوص، حيث نضع قليل من زيت الزيتون (ملعقة شاى) فى مقلاة على نار متوسطة وتضاف إليه فصوص الثوم المقطعة لأجزاء صغيرة، وتقلب، نضع بعدها كمية الفاصوليا الحمراء ويُضاف الصويا صوص والخل وملعقة العسل الأبيض (عند الرغبة)، وذلك للحصول على طعم حلو ولاذع. ترفع المقلاة بعد 5 دقائق ويوضع الصوص فى طبق التقديم.

تُستخرج الصينية بعد ثلاث ساعات ونصف، وتترك البطة مدة نصف ساعة لتبرد قليلا قبل تقطيعها وتقديمها مع الصوص الذى سبق إعداده. تُقَطَّع البطة لأجزاء وتُقدم على سفرة الغداء أو العشاء الفاخر، مع الأرز الأبيض المصرى، أو الأرز المعمر (المدسوس).