فى يوم بيعدى، ويوم تانى بنكون مش عايزينه يعدى من حلاوته، الأكل زى الأيام أكلة بنكون عايزنها تخلص ونخلص منها، وأكلة بنتمنى إنها متخلصش أبداً من كتر حلاوتها. والأكلة الحلوة بتسيب علامة فى الذاكرة، والذاكرة مش بس معدة، الذاكرة عيون بتشوف الأكلة وطريقة تقديمها، وأنف بتشم ريحتها، وفم بيتذكر الطعم كويس.

هنلاقى فى وصفات كتير للبطاطس، خصوصا فى الدول الغربية، إنها بتتعمل وتتقدم بقشرتها، وده لأن القشرة بتحتوى على نسب عالية من الكالسيوم والفوسفور والحديد، اللى بتفيد الجسم جدا، وكمان القشرة بتحتوى على مواد مضادة للسرطان، بالنسبة لى بفضل نزع القشرة فى أى وصفة من وصفات البطاطس مهما كانت فوايدها، لأن محاصيل كتير عندنا بتتعرض للرش بمواد كيميائية، وأكتر حاجة بتاخد المواد دى بتكون القشرة، فيستحسن ننزع القشرة قبل ما نستخدمها فى أى وصفة من وصفاتنا.

البطاطس من مميزاتها إنها تنفع فى شتا أو صيف، موجودة معانا طول السنة، وخصوصا فى أوقات الزنقة، يعنى أسهل حاجة لو مش قادرة تطبخى إنك تحمرى شوية بطاطس أو حتى تسلقيهم وبالعيش البلدى الجميل بتاعنا وبالهنا والشفا. بس احنا النهاردة هنعمل معاكم قوارب البطاطس باللحمة المفرومة اللذيذة، اعمليها معانا واستمتعى بالطعم الجميل.

طريقة تحضير قوارب بطاطس باللحم المفروم.

المكونات:

1 كيلو بطاطس (بطاطا) كبيرة الحجم وطولية الشكل

1/2 كيلو لحم مفروم

ملعقة طعام بقدونس مفروم

2 ملعقة طعام صلصة طماطم

1/2 لتر عصير طماطم

1 حبة بصل أبيض مُقطعة شرائح

2 فص ثوم مُقطع شرائح

1/2 لتر زيت للقلى

2 ملعقة طعام زيت زيتون

ملح

فلفل أسود مطحون

زعتر جاف

50 جرام جبن شيدر أصفر مبشور

طريقة التحضير.

يتم تحضير اللحم المفروم بوضع زيت الزيتون في وعاء ساخن، ثم نُضيف البصلة المفرومة ويتم تحميرها حتى تصل للون الذهبى الفاتح ، ثم نُضيف الثوم المفروم ونقلب جيدا حتى يصفر قليلا.

نُضيف بعد ذلك، الملح والفلفل الأسود والزعتر إلى البصل والثوم، ونقلب جيدا.

نُضيف اللحم المفروم، ويُترك على نار متوسطة إلى هادئة. 

يُراعى متابعة اللحم المفروم حتى لا يجف ماؤه ويحترق، فإذا قلت نسبة السائل المُستخرج منه بفعل الحرارة، نُضيف إليه القليل من الماء (حوالى نصف كوب)، ونقلب جيدا.

قبل تمام التسوية، نُضيف معجون الطماطم وعصير الطماطم إلى اللحم المفروم ونُقلبه جيدا، ثم نتركه على النار الهادئة ليصل للتسوية الكاملة.

لتحضير البطاطس (بطاطا)، نقوم بتقشير القشرة الخارجية لها، ثم نغسلها جيدا بالماء ونجففها.

تُقطع حبة البطاطس بالطول، وبواسطة ملعقة، نقوم بتفريع قلب البطاطس ونراعى الدقة حتى لا يتم ثقب حبة البطاطس.

نحتفظ بالبطاطس المستخرجة من القلب لنستخدمها كأرضية لصينية البطاطس.

فى مقلاة عميقة، نضع زيت القلى ونقوم بتسخينه، ثم نبدأ فى قلى البطاطس بعد تفريغ قلبها، ونُراعى أن يكون القلى غير كامل، لأن البطاطس سوف تستكمل تسويتها داخل الفرن.

بعد قلى البطاطس، وتغير لونها للون الأصفر الذهبى، نستخرجها من الزيت ونضعها على ورق المطبخ أو على شبك ضيق، للتخلص من الزيت الزائد، وتترك لتبرد.

نبدأ بعدها فى حشو البطاطس باللحم المفروم، بواسطة ملعقة مناسبة، ونُراعى أن نترك فراغا بسيطا فى حبة البطاطس لأن الحشو سوف ينتفخ ويعلو بعد التسوية.

يتم تسخين الفرن على درجة 180°م، لمدة ربع ساعة.

نبدأ فى رص قطع البطاطس المستخرجة من تفريغ حبات البطاطس، ونضعها فى قاع الصينية، ونرش عليها القليل من الملح والفلفل.

نبدأ فى رص حبات البطاطس المحشوة داخل الصينية، ونضع عليها نوع الجبنة المُفضلة (موتزاريلا أو شيدر صفراء).

نقوم بخفض درجة حرارة الفرن إلى 150°م، ثم نُدخل الصينية بالفرن، لمدة نصف ساعة.

بعد مرور نصف ساعة، نستخرج صينية البطاطس من الفرن، ونضع عليها طبقة أخرى من الجبنة الشيدر، ثم ندخلها مرة أخرى فى الفرن لمدة من 3-5 دقائق حتى تسيح الجبنة على حبات البطاطس.

نستخرج الصينية من الفرن، ثم نقوم بتزيينها بالبقدونس المفروم وتُقدم.

ملحوظة:

حطي الصلصة المتسبكة لو بتحبيها في الصينية هتساعد على تكملة تسوية البطاطس وتديها طعم مميز، وقبل ما تدخل الفرن ترشي علي وشها شويه جبنه وتدخليها الفرن نص ساعة وهتلاقيها استوت.. وبالهنا.