مين فيكوا مُدمن مياه غازية؟! المشروب تقريبا الرئيسى فى حياته بيبسى أو كوكا أو سفن أو ميراندا، ويمكن كل دول مع بعض!! فى كتير مننا وصلوا لمرحلة إنهم استبدولوا الميه، أساس الحياة، بمياه غازية! صعب؟! ومُضر؟! بس والواحد بيشرب الحاجات دى بيبقى شايف إنها لذيذة جدا ومش مُضِرَّة خالص!!

أنا مخبيش عليكم كنت مدمنة بيبسى، بشربهم فى كل وقت وأى وقت، لو فتحت التلاجة ملقتش قدامى ازازة يركبنى العفريت، وامشى فى البيت زى المجنونة بدور على الموبايل عشان أعمل أوردر من السوبر ماركت وأنوع فى الطلب بتاعى يعنى آخد لتر بلاستيك، ولتر تانى بلاستيك بردو... ههههههه أصل الإزازة لما بتبقى أكتر من لتر وتتفتح كذا مرة، الصودا بتروح منها J

فضلت على الحال ده، لحد من بالظبط سنتين، لما جالنا ضيوف فجأة، وكان الجو حر جدا، والسوبر ماركت اللى جنبى قالى معنديش دليفرى النهاردة!! فتحت التلاجة لاقيت فيها برتقال، شمرت ولبست مريلة المطبخ وبالعصارة اليدوية التقليدية جدا عصرت كمية محترمة من البرتقال وقدمتها للضيوف.

كانت دى خطوة انتقالية، ونقلة نوعية فى حياتى؛ الناس اتبسطت جدا من طعم العصير الطبيعى الطازج الخالى تماما من أى مواد حافظة، واللى كان أحلى ما فيه إنه معمول فى البيت.

من ساعتها قلت لنفسى، بلاش بيبسى، بدليه بالعصاير الطبيعية، استفيدى وفيدى جسمك وصحتك بفوايد الفواكه الكتيرة اللى ربنا وفرها لنا واحنا بنبدلها بمشروبات تضرنا.. وبدأت رحلتى فى الإقلاع عن إدمان المياه الغازية، واستبدالها بالبديل الصحى النضيف، وهو العصاير الطبيعية الطازجة. والحمد لله أكتر من سنتين دلوقتى معداش فيهم يوم واحد واشتريت فيه بيبسى أو طلبته بالتليفون، أو حتى قدمته لضيوفى، لأن ضيوفى بقوا مدمنين عصيرى الطازج. 

ولأن البرتقال كان صاحب فضل عليا، فكان لازم يكون أول عصير أتكلم عنه فى المدونة، هنقرا عنه مع بعض، ونتعرف على فوايده الكتيرة لصحتنا وجسمنا، وبعدين نتعلم ازاى نعمل عصير برتقال فى بيوتنا يكون طعمه رائع، وازاى نقدمه بشكل جميل.

فوائد البرتقال:

يعتبر عصير البرتقال من أهم المشروبات لدى مرضى ضغط الدم المرتفع .. وذلك لأن هذا العصير يحتوى على كمية كبيرة جداً من المغنيسيوم الذى لديه القدرة الفعالة والعجيبة على استعادة مستوى ضغط الدم لمعدله الطبيعى بدون أى أعراض جانبية أو أى آثار مزعجة .

عصير البرتقال يحتوى على فيتامين " سى - C " ومعظمنا يعلم أهمية هذا الفيتامين للصحة العامة وتقوية جهاز المناعة لمكافحة العديد من الأمراض ومنها: " أمراض الإنفلوانزا، ونزلات البرد ". كما أن تناول العصير فى هذه النزلات يحمى من الوقوع فى نتائج من الممكن أن تكون خطيرة مثل " الالتهاب الشعبى والتهابات الحلق والآلام الروماتيزمية .

 يساعد بفاعلية قوية على تضميد الجراح وبناء الأنسجة الملتهبة فى الجرح .. ويحتوى البرتقال على مركبات الفلافونيد " نارنجنين ، هيسبيريدين " وهى مواد مضادة للالتهابات .. وإذا استخدم البرتقال كفاكهة أو عصير، فسوف تعمل مركبات الفلافونيد بطريقة مذهلة وسريعة على التئام الجروح.

أثبتت أحدث الأبحاث العلمية أن البرتقال يحتوى على عناصر معروفة تسمى بــ D - الليمونين، وهو من أهم العناصر الفعالة ضد كل من : سرطان الثدى، وسرطان الجلد، وسرطان الفم، وسرطان القولون، وسرطان الرئة.

عادة ما تتكون القرح فى المعدة والأمعاء الدقيقة، والإمساك يعد سبباً من أسباب وجود هذه القرح لأن الطعام لا يهضم بطريقته الصحيحة، وعصير البرتقال هو فعلاً مانع وشافى لهذه القرح، وأيضاً ينظم الجهاز الهضمى ويساعد انتظام أى خلل فيه .

يتميز عصير البرتقال بنسبة عالية جداً من المواد المضادة للأكسدة وفيتامين " سى - C " وهذا المزيج من العناصر والفيتامين تحمى خلايا الجلد وتجعله ناعماً وتمنع التجاعيد وتزيل آثار الشيخوخة، وتناول كوب واحد كبير من عصير البرتقال يومياً هو أفضل طريقة للحصول على نضارة وجاذبية للجلد لفترات طويلة .

طريقة عمل عصير البرتقال الطازج

المكونات:

2 كيلو برتقال عصير

سكر أبيض (حسب الرغبة)

طريقة التحضير: 

يتم غسل حبات البرتقال غسلا جيدا بالماء الجارى، ثم تجفف جميع حبات البرتقال بفوطة نظيفة وذلك للتأكد من عدم وجود أى شوائب أو اتساخات عالقة بقشرة البرتقال.

تبدأ عملية عصر البرتقال، ويُفضل بالعصارة اليدوية لتلافى دخول القشرة فى السائل، أو بالخلاط الكهربى، وفى هذه الحالة يُصفى الخليط الناتج عن العصر جيدا، حتى تمام التخلص من القشور الموجودة به.

يُضاف السكر الأبيض إلى العصير، بنسبة 2 ملعقة طعام من السكر لكل كوب كبير من العصير، وفى حالة مرضى السكر، يُقدم العصير بدون إضافة السكر.

يُوضع العصير بالثلاجة (البراد) مدة ساعة على الأقل، حتى يكتسب البرودة اللازمة، ثم يقدم مع مكعبات الثلج.