جانا العيد أهو جانا العيد.. جزء من فرحة العيد الأكل مش هنقدر ننكر.. خصوصا فى موسم العيد الكبير والدبح والأضحية.. حتى لو ربنا موسع علينا بنفرح باللحمة والخير اللى بيزيد فى موسم عيد الأضحى.. ومن أسباب السعادة إننا بنقدر نعمل وصفات جديدة باستخدام مكونات الدبيحة سواء لو عجل أو خروف.. والحمد لله احنا مش بنسيب حتة فى الدبيحة إلا ونعمل منها وصفة شهيو تتاكل بشراهة عالية.. زى كلاوى الدبيحة.. تلاقى الرجالة على وجه الخصوص بيحبوا الأجزاء دى من الدبيحة وبيفضلوا ياكلوها بره وجوا البيت.. والنهاردة هنعمل سوا وصفة سهلة نتعلم فيها طريقة عمل القلب بأسهل وأسرع طريقة ومن غير تكاليف كتير!

بالنسبة لى، أنا مش باكل الأجزاء دى من الدبيحة، لكن ده مش معناه إنى مش هطبخها لأهل بيتى اللى بيحبوها وبيفرحوا لما ياكلوها، جزء كبير من متعة الوقفة فى المطبخ بالنسبة لى، إنى أتحدى حالى واعمل وصفة مش بس مش بحبها، لأ وكمان مش هعرف حتى أتذوقها وأنا بحضرها، يعنى بعملها من مرة واحدة وتتقدم للأكل، ساعتها ببقى منتظرة أسمع رأى اللى عندى فى البيت فيها، ولما بيقولوا لى "تُحفة" أو "وووواووووو" بطير من الفرحة، وبحس إنى نجحت فى تحدى نفسى إنى أعمل أكلة تحفة من غير ما أعرف طعمها ايه، ومش بس كده وكمان إنى أعمل وصفة مش بحبها للناس اللى بحبهم ده شئ بيسبب لى السعادة، خصوصا إن فى ستات كتيرة مش ممكن تدخل المطبخ تعمل وصفة لو هى مش بتحبها أو مش هتاكلها، وفى ستات تانية بتقرف أصلا تعمل الأجزاء دى من الدبيحة.. يبقى تحدى ده والا مش تحدى يا متعلمين يا بتوع المدارس!

الفوائد الصحية لـ"القلب كتيرة، تعالوا بقى نتعرف بشكل تفصيلى أكتر على فوايد أكل الكلاوى على صحتنا وجسمنا.

فوائد قلب الخروف:

يعد قلب الخروف من أنواع اللحوم التي يتناولها الإنسان، حيث يمتاز بمذاقه الشهي، وفوائده العديدة للجسم، وذلك بفضل قيمته الغذائية العالية؛ كونه غنياً بالبروتينات، والمعادن، والألياف، والمواد الدهنية. من فوائد قلب الخروف احتوائه على نسبةٍ متوسطةٍ من البروتين الذي يساعد على النمو السليم والبناء العضلي المتكامل للجسم، ولابدّ من الإشارة إلى ضرورة تناوله على هيئة لحمةٍ مفرومة، وأنّ يكون طازجاً، وذلك لتحقيق أقصى فائدة ممكنة منه.

ريقة تحضير قلب الخروف:

المكونات:

قطعة قلب خروف

حبة بصل أبيض متوسطة مُقطعة شرائح

3 فصوم ثوم مقطع شرائح

فلفل رومى مقطع شرائح

ملح، فلفل أسود، كمون

 شطة حمراء (حسب الرغبة)

قطع دهن البقرة أو الخروف مقطعة شرائح

طريقة التحضير

يتم غسل القلب جيدا، ويُقطع على شكل حلقات دائرية أو شرائح رفيعة حسب الرغبة.

فى مقلاة مناسبة، نضع قطع الدهن بعد تقطيعها لأجزاء صغيرة، ثم نُضيف شرائح البصل وشرائح الفلفل الرومى، ونقلبها جيدا مع قطع الدهن وذلك على نار متوسطة هادئة.

نضُيف الشرائح القلب فى المقلاة إلى الدهن والبصل والفلفل الرومى، ونُقلب جميع المكونات جيدا بواسطة ملعقة خشبية، ثم نُضيف رشة ملح ورشة فلفل أسود ورشة شطة حمراء (حسب الرغبة)، كما نُضيف كوب من ماء الصنبور، ونُغلق المقلاة بغطاء مناسب ونترك شرائح القلب حتى تصل للتسوية التامة، مع مراعاة التقليب المستمر للمكونات.

بعد الانتهاء من تحمير الشرائح، تُرفع من على النار، وتُقدم مع سلطة الطحينة.

يمكن عمل القلب مع الكبدة والفشة والكلاوى فى مقلاة واحدة وبنفس الطريقة والخطوات التى شرحناها هنا، مع العلم أن فترة تسويتهم تقريبا واحدة، ويُفضل فى هذه الحالة وضع القلب والكلاوى والفشة أولا فى مقلاة التحمير ثم وضع الكبدة بعد ذلك.

يا ترى عجبتكوا الوصفة؟! لو أيوه سيبوا لنا رأيكم فى تعليق على المدونة بتاعتنا أو صفحتنا الرسمية على الفيسبوك، ولو نفذتوا الوصفة صوروها وابعتوا لنا الصورة فى تعليق على صفحتنا على الفيسبوك... وبالهنا.