البلدي يُوكَل.. الكلمتين دول دايما امى تقولهم لما تاك لأى حاجة بلدي معمولة حلو ومخدومة ومتكلفة.. العيش البلدي هو اللى بيميزنا كمصريين.. صحيح فى أنواع كتيرة تانية من العيش احنا مشهورين بيها بردو، زى المرحرح والبتاو وغيرها.. بس يفضل العيش البلدي هو علامتنا المميزة الأصلية خصوصا إنه الرغيف اللى بناكل بيه يوميا.. احنا بنشترى العيش البلدى من الأفران.. صح؟! طيب ايه رأيكم نعمله بنفسنا فى البيت وبنتيجة مضمونة وهايلة وكفاية إنها تحت إشرافنا وبايدينا.. يلا بينا على الوصفة عدل!

طريقة تحضير الخبز البلدي.

المكونات:

3 كوب دقيق

معلقة كبيرة خميرة فورية

معلقة كبيرة سكر

ملعقة صغيرة ملح

ماء دافئ للعجن (حسب الحاجة)

نصف كوب رَدَّة خبز

طريقة التحضير.

فى بولة العجن نضع كل المقادير ونقوم بعجنها باستخدام الماء الدافئ حتى تصير متجانسة تماما ولا تلتصف براحة اليد أثناء العجن.

تُترك العجينة في مكان دافئ لمدة ساعة لتختمر ويتضاعف حجمها.

نأخد العجين ونقطعها لــ 4 أجزاء متساوية في الحجم، كل جزء يتم فرده حسب السُمك المطلوب، وتكون عملية الفرد على سطح مستوٍ عليه كمية من الرَدَّة، ويتم الفرد باستخدام الدقيق.

نقوم بتسخين طاسة مناسبة غير قابلة للالتصاق، على البوتاجاز، ونضع العجينة على الطاسة، ونقوم بتقليبها كل 5 ثوانى على كل وجه من وجوه العجينة مرة، ونستمر في التقليب حتى تصل العجينة للتسوية الكاملة واللون الذهبى الفاتح الجميل.

لو حابين تتعرفوا أكتر على طريقة تحضير الخبز البلدي بالتفصيل مع الصور اضغطوا على الرابط ده.