جانا العيد أهو جانا العيد.. جزء من فرحة العيد الأكل مش هنقدر ننكر.. خصوصا فى موسم العيد الكبير والدبح والأضحية.. حتى لو ربنا موسع علينا بنفرح باللحمة والخير اللى بيزيد فى موسم عيد الأضحى.. ومن أسباب السعادة إننا بنقدر نعمل وصفات جديدة باستخدام مكونات الدبيحة سواء لو عجل أو خروف.. والحمد لله احنا مش بنسيب حتة فى الدبيحة إلا ونعمل منها وصفة شهيو تتاكل بشراهة عالية.. زى كلاوى الدبيحة.. تلاقى الرجالة على وجه الخصوص بيحبوا الأجزاء دى من الدبيحة وبيفضلوا ياكلوها بره وجوا البيت.. والنهاردة هنعمل سوا وصفة سهلة نتعلم فيها طريقة عمل الكلاوى بأسهل وأسرع طريقة ومن غير تكاليف كتير!

بالنسبة لى، أنا مش باكل الأجزاء دى من الدبيحة، لكن ده مش معناه إنى مش هطبخها لأهل بيتى اللى بيحبوها وبيفرحوا لما ياكلوها، جزء كبير من متعة الوقفة فى المطبخ بالنسبة لى، إنى أتحدى حالى واعمل وصفة مش بس مش بحبها، لأ وكمان مش هعرف حتى أتذوقها وأنا بحضرها، يعنى بعملها من مرة واحدة وتتقدم للأكل، ساعتها ببقى منتظرة أسمع رأى اللى عندى فى البيت فيها، ولما بيقولوا لى "تُحفة" أو "وووواووووو" بطير من الفرحة، وبحس إنى نجحت فى تحدى نفسى إنى أعمل أكلة تحفة من غير ما أعرف طعمها ايه، ومش بس كده وكمان إنى أعمل وصفة مش بحبها للناس اللى بحبهم ده شئ بيسبب لى السعادة، خصوصا إن فى ستات كتيرة مش ممكن تدخل المطبخ تعمل وصفة لو هى مش بتحبها أو مش هتاكلها، وفى ستات تانية بتقفرف أصلا تعمل الأجزاء دى من الدبيحة.. يبقى تحدى ده والا مش تحدى يا متعلمين يا بتوع المدارس!

الفوائد الصحية لـ"الكلاوى كتيرة، لأنها تحتوى على قدر كبير من البروتينات والحديد، وكمان غنية جداً بعنصر السيلينيوم، أقوى مضادات الأكسدة المعروفة، وهو بيساهم فى وقاية الأنسجة من التلف وتعزيز وظائف الغدة الدرقية، تعالوا بقى نتعرف بشكل تفصيلى أكتر على فوايد أكل الكلاوى على صحتنا وجسمنا.

فوائد الكلاوى:

عند تناول شريحة الكلاوي من وزن 85 جرامًا ستحصل على 9 أضعاف احتياجاتك اليومية من فيتامين "ب12"، وهو فيتامين ضروري لتكوين خلايا الدم الحمراء. وستحصل على ضعف احتياجاتك اليومية من فيتامين "ب2” الذي يعرف باسم الريبوفلافين، ونحو  20 بالمائة من احتياجاتك اليومية من فيتامين "ب3” الذي يعرف باسم النياسين، و18 بالمائة من احتياجاتك اليومية من الفولات أو فيتامين "ب9”. تعتبر الفولات هامة وحيوية خلال فترة الحمل.
تحتوي شريحة الكلاوي من وزن 85 غرامًا على 30 بالمائة من الاحتياجات اليومية للمرأة من الحديد، و60 بالمائة من احتياجات الرجل. يحتوي المقدار نفسه من الكلاوي على 37 بالمائة من احتياجاتك اليومية من الفسفور، الذي يقوم بتعزيز قوة العظام، ودعم نقل المغذيات إلى الأعضاء.  تحتوي الـ 85 جرامًا من كلية البقر أيضًا على 20 بالمائة من احتياجاتك اليومية من الزنك اللازم لدعم المناعة ويقوي خصوبة الرجال. توصي التوجيهات الصحية بأن يكون الحد الأقصى لتناول الكوليسترول يوميًا 300 ملغ، وتحتوي الـ 85 غرامًا من كلية البقر على ضعف هذا المقدار. وعلى الرغم من أن محتوى نفس الكمية من الدهون والسعرات لا يشكل خطرًا، إلا أنه ينبغي عليك مراعاة حدود الكوليسترول، وتقليل كمية الكلاوي التي تتناولها إن كان لديك تحذيرات منه.

طريقة عمل الكلاوى:

المكونات:

قطعة كلية بقرة أو خروف

حبة بصل أبيض متوسطة مُقطعة شرائح

3 فصوم ثوم مقطع شرائح

فلفل رومى مقطع شرائح

ملح، فلفل أسود، كمون

 شطة حمراء (حسب الرغبة)

قطع دهن البقرة أو الخروف مقطعة شرائح

طريقة التحضير.

يتم غسل الكلاوى ثم تقطيع على شكل حلقات دائرة أو شرائح رفيعة حسب الرغبة.

فى مقلاة مناسبة، نضع قطع الدهن بعد تقطيعها لأجزاء صغيرة، ثم نُضيف شرائح البصل وشرائح الفلفل الرومى، ونقلبها جيدا مع قطع الدهن وذلك على نار متوسطة هادئة.

نضُيف الشرائح فى المقلاة إلى الدهن والبصل والفلفل الرومى، ونُقلب جميع المكونات جيدا بواسطة ملعقة خشبية، ثم نُضيف رشة ملح ورشة فلفل أسود ورشة شطة حمراء (حسب الرغبة)، ونترك شرائح الكلاوى حتى تصل للتسوية التامة، مع مراعاة التقليب المستمر للمكونات.

بعد الانتهاء من تحمير الشرائح، تُرفع من على النار، وتُقدم مع سلطة الطحينة.

يمكن عمل الكلاوى مع الكبدة والفشة فى مقلاة واحدة وبنفس الطريقة والخطوات التى شرحناها هنا، مع العلم أن فترة تسويتهم تقريبا واحدة، ويُفضل فى هذه الحالة وضع الكلاوى والفشة أولا فى مقلاة التحمير ثم وضع الكبدة بعد ذلك.

هاه.. عجبتكوا الوصفة؟!، لو أيوه سيبوا لنا رأيكم فى تعليق على المدونة بتاعتنا أو صفحتنا الرسمية على الفيسبوك، ولو نفذتوا الوصفة صوروها وابعتوا لنا الصورة فى تعليق على صفحتنا على الفيسبوك. يوم ما تعملى الكلاوى ممكن تعملى جنبها ممبار وممكن تعملى معاها طبق فتة بالخل والتوم وتبقى سفرة ملهاش حل ومتنسيش السلطات.. وبالهنا.