حرنكش حرنكوش اللي ياكله ميبطلهوش، مقوله غريبه جدا سمعتها بس حسها حقيقية بجد الحرنكش ده حاجة كده فظيعة بجد طعمه ميتنسيش يجنن عملتلكوا منه النهارده تارت،، أيوه تارت الحرنكش اختراعي يهبل،، تعالوا نعرفكوا على طريقة تحضير تارت الحرنكش وتتعرفوا على خطواتها ونبقى كلنا جربنا حاجة جديدة سوا.

طريقة تحضير تارت الحرنكش.

المكونات:

عجينة التارت:

300جم دقيق

200جم زبدة صفراء

100جم سكر بودر منخول

مقادير الحشو:

كوب حرنكش مضروب فى الخلاط ونص كوب باستري كريم ونص كوب سكر وكوب ونص لبن علي البارد نقلب الباسترري والسكر واللبن ونرفعهم على النار مع التقليب هيتقل، مجرد ما يمسك نفسه كده انزل عليه الحرنكش لما يبرد عشان طعمه يفضل فيه ويبقي طري وميعملش قشرة.

طريقة التحضير.

الزبدة بدرجة حرارة المطبخ، بايدك مع السكر افركيها من غير عجن عشان يبقي طري ونزلي الدقيق لمي بيه العجين وحطيه فى التلاجة شوية ونفردها بين كيسين ونحطها فى قالب التارت ونسويها ونخرمها بشوكة عشان مترفعش منك ويدوب تلت ساعة، يخرج مستوي لونه وردي ونحط عليه شوكولاتة بيضا زي النوتيلا كده وعليه الباستري والحرنكش وألف هنا 
فكره منعشة جدا وخصوصا فى أعياد الربيع.

لتحضير الكريم باتيسيير، افتحوا الرابط ده 

دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.