احنا المصريين مش قليلين.. فى أوروبا عندهم سناكس.. واحنا عندنا قراقيش سناكس.. اللى جعان وعاوز ينأنأ يضرب قراقيش مصرية فلاحى مع مشروب سخن زى الشاى والا النسكافيه وينسى الجوع ويردم عليه. الوصفة دى جميلة فى كل المواقف والأوقات.. وفى كل الأماكن والظروف.. تنفع معاكى فى الأعياد وفى الأفراح وحفلات أعياد الميلاد.. تنفع جدا فى الرحلات واستقبال الضيوف.. الوصفة دى مش بتقول لأ.. معاكى وجنبك فى أى موقف بتنجز وتشبع وتبسط اللى ياكلها.. طريقة تحضير قراقيش بالعجوة هتبقى سهلة لما تعمليها بالمقادير والطريقة اللى هنقولك عليها، وأهم حاجة يكون الفرن عندك مظبوط.. تعالوا نشوف بتتعمل ازاى.

طريقة تحضير قراقيش بالعجوة:

المكونات:

كيلو دقيق 

ملعقة كبيرة سميد بسبوسة

500 جرام مادة دهني (300 جم زبدة، 100 جرام زيت، 100 قشدة)

 كوب ماء دافئ للعجن

2 ملعقة كبيرة سكر 

2 ملعقة كبيرة لبن بودرة

ملعقة صغيرة ملح 

كيس خميرة فورية

1/2 كيس بيكينج بودر

ملعقة كبيرة شمر مطحون

ملعقة صغيرة ينسون (حسب الرغبة)

2 ملعقة كبيرة سمسم

طريقة التحضير:

نبدأ بتحضير الخميرة من خلال إذابتها فى القليل من الماء الدافئ وملعقة سكر ونتركها حتى ترتفع قليلاً.

نضع الدقيق فى إناء عميق ونضيف إليه رشة ملح وبيكينج بودر واللبن البودرة وملعقة السميد.

على نار متوسطة وفى إناء كبير نقدح السمن والزيت ثم نضيف القشدة.

فى منتصف الدقيق ننشئ حفرة ونصب السمن بهدوء وحرص، ونقلب الدقيق بملعقة خشبية حتى يتشرب السمن جيدًا. 

نترك الدقيق قليلاً حتى يهدأ ونبدأ في تقليبه باليد لنتأكد من امتزاج السمن بالدقيق، ثم  نضيف الخميرة والشمر والينسون، ونعجن الخليط (نبس الدقيق)، ونضيف الماء تدريجيًا حتى يصبح العجين لينًا.

نترك العجين ليختمر فى جو الغرفة ونغطيه بكيس بلاستيكى أو فوطة نظيفة وجافة. 

بعدما يختمر العجين نبدأ في تشكيله، ويمكن تشكيله من خلال تكوين كرات للعجين نفردها بالنشابة ثم نرصها فى الصينية ونتركها تختمر مرة ثانية.

مع اقتراب اختمار العجين نشعل الفرن على درجة حرارة 200 °م ونضع الصوانى قرب النار 10 دقائق حتى تحمر بشكل بسيط وبعدها نرفعها على رف الشبكة (الرف الأوسط) حتى تنضج فى قرابة ثلث ساعة.

نتمنى تكون الوصفة عجبتكم.. جربوها لأنها لذيذة جدا وبتسد معانا فى كل الأوقات.. وبالهنا.