كل حاجة فى الحياة مواسم وفصول، والمطبخ فى العالم كله مرتبط بالمواسم والفصول، مواسم زراعة محاصيل وفواكه معينة، ومواسم حصادها، وبالتأكيد موسم استخدامها، ومن المواسم الجميلة فى بلادنا العربية، موسم الصيف، لأنه غنى جدا بالفواكه، ومن بينها فاكهة الكريز، هى أسعارها فى مصر بقت مرتفعة جدا، لكن ده ميمنعش إننا نقدم وصفة فيها استخدام الكريز ولو بكميات قليلة، مش هتأثر على الميزانية، وهتخلينا نستمتع بطعمها المميز.

طريقة تحضير كيك الكرز أو كيكة الكريز، سهلة جدا، ومفيهاش أى صعوبة أو تعقيدات، ممكن نعرف فوايد الكريز عشان نقدر نستفيد منه بوصفات كتيرة تنفع صحتنا وصحة أجسامنا. 

تعالوا مع بعض نتعرف على مكونات وطريقة تحضير كيك الكرز، من تقديم شيف نوسة.

طريقة تحضير كيك الكرز:

المكونات:

٢كوب دقيق

كوب سكر

كوب الا ربع زبدة

معلقه صغيرة بيكنج بودر

معلقه صغيرة بيكنج بودر

رشه ملح

رشة فانيليا

4 بيضات

كوب ونصف ثمرات الكرز

لوز مبشور للزينة

سكر بودرة لتزيين الوجه

طريقة التحضير:

نخفق الزبدة مع السكر ونضيف البيض تدريجا مع الفانيلا وتخلط المقادير معا ثم نضع الدقيق المنخول مع بييكنج بودر وبييكنج صودا ورشه الملح.

يبطن القالب بالزبدة والدقيق ونضع خليط الكيك في القالب، ثم نضع علي الوجه الكرز بعد نزع البذرة من داخل حبات الكرز، ونُضيف اللوز المبشور.

نُدخل قالب الكيك إلى الفرن على درجة حرارة 180°م لمدة 40 دقيقة.

نستخرج بعدها قالب الكيك من الفرن، ونتركه ليبرد قليلا، ثم نضعه على طبق تقديم مناسب، ونرشه بالسكر البودر، ويُقدم مع المشروب الساخن المُفضل لكم.

ملحوظات مُهمة:

المقادير اللى فى الوصفة ييتحضر فى صينية مقاس ٢٤ هتبقى عاليه ولو ٢٦ هتبقى
أقل فى الارتفاع.

الفرن لازم يكون متسخن قبل ما ندخل قالب الكيك على درجة ١٨٠
مئوية.

وقت التسوية متفتحيش عليها قبل ما يفوت نص ساعة، عشان الكيكة متهبطش
واختبريها بخله سنان.