فصل الصيف فى مصر والدول العربية بيكون حار أو حار جدا جدا، وفى أيام بنحس فيها إننا مش قادرين نتحمل حرارة الجو، وبتبقى الحكاية أصعب لما الرطوبة بتكون مرتفعة، وعشان ده كله بنكون مشتاقين دايما للمشاريب الساقعة بكل أنواعها، وكمان الفواكه، الجسم ساعتها بيبقى محتاج ترطيب وسكريات تديله طاقة. وعشان احنا فى المدونة بتاعتنا مصدقين إن كل واحد وواحدة فى بيتهم يقدروا يعملوا كل حاجة بإيديهم وتطلع فى منتهى الجمال وبصراحة أجمل من حاجة بره البيت بمراحل، قلنا لازم نعمل معاكم وصفات كتير للمشاريب الساقعة عشان الكل يعرف إنها سهلة وتتشجعوا تعملوها فى البيت بنفسكم. النهاردة وصفتنا طريقة تحضير ميلك شيك التوت، وطبعا فاكهة التوت ليها ألوان كتيرة، احنا فى وصفتنا النهاردة استخدمنا التوت الأحمر، والتوت الأسود، عشان نعمل منهم خليط متجانس فى الطعم، وكمان نعمل تشكيلة فى ألوان المشروب بتاعنا، ما بين اللون الأحمر القانى الداكن، واللون الروز الوردى الفاتح. تعالوا نتعرف مع بعض على طريقة تحضير ميلك شيك التوت.

طريقة تحضير ميلك شيك التوت:

المكونات (تكفى 4 أفراد):

200 جرام توت أحمر

200 جرام توت أسود

6 ملاعق طعام آيس كريم فانيليا

كوب لبن مُثلج

ربع كوب سكر (حسب الرغبة)

للتزيين:

صوص الشيكولاته

قطع شيكولاته

حبوب الشيكولاته الملونة

كريم شانتيه

بسكويت مغطى بالشيكولاته

للتعرف على طريقة تحضير صوص الشيكولاتة اضغــــــط هنـــــــــــــا 

طريقة التحضير:

فى خلاط كهربائى، نضع كمية التوت الأحمر، ونبدأ ضربها داخل الخلاط حتى يصبح لها قوام متماسك ومتجانس.

نقوم بعدها بإضافة نصف كمية اللبن ونصف كمية الآيس كريم إلى الخليط، ثم نعاود تشغيل الخلاط حتى تمتزج جميع المكونات مع بعضها وتُعطى السمك المطلوب، نستخرج الخليط ونضعه جانبا.

تُكرر نفس العملية والخطوات مع التوت الأسود، حتى نحصل قوام متماسك ومتجانس.

فى الأكواب الزجاجية المُناسبة، نقوم بسكب خليط التوت الأحمر، ثم خليط التوت الأسود، ونقلبها جيدا، باستخدام ملعقة طويلة، أو باستخدام شاليموه، وذلك لمزج الألوان داخل الكوب

على حافة الكوب، نضع كمية مناسبة من صوص الشيكولاته، بحيث تكون الكمية كثيفة حلو أطراف الكوب، ثم نبدأ فى رص قطع الشيكولاته فوق الصوص، كما بالصورة.

نضع الكريم شانتيه أعلى الكوب بالشكل الذى نفضله، ثم نزين الكريمة بحبوب الشيكولاته الملونة. نضع قطعة بسكويت مغطاة بالشيكولاته فى وسط الكريمة، ويُقدم.

نحب نعرف من متابعى الصفحة رأيكم فى طريقة تحضير ميلك شيك التوت، خصوصا لو فعلا جربتوها فى البيت عندكم، وكمان نحب نعرف إيه أكتر المشاريب اللى بتحبوها فى فصل الصيف.