ممكن جدا نعمل حاجة حلوة وبكميات وتكون مش مُكلفة.. حاجة كده يعنى على قد الإيد.. وبالرغم من كده تكون شيك جدا ومبهرة فى شكلها وطعمها وطريقة تقديمها.. وصفة الحلو اللى معانا هى بسكويت بالشيكولاتة.. حاجة كده السهل الممتنع.. تقدرى تحضريها فى أقل من ربع ساعة وتقدميها بأكتر من طريقة.. طريقة تحضير بسكويت بالشيكولاتة أهم ما فيها طريقة التزيين اللى فى الآخر هتظهر للكل وتعشقها العين قبل الفم.. يلا حالا نتعرف عليها بالتفصيل.

طريقة تحضير بسكويت بالشيكولاتة.

المكونات:

٢ باكو بسكوت سادة

علبة قشطة

معلقتين كبار نوتيلا

معلقتين كبار سكر

معلقة كاكاو خام كبيرة

طريقة التحضير.

نخلط كل المكونات مع بعض من غير البسكوت بعد كده نضيف البسكوت بعد ما نكسره ونجيب قالب ونغلفه بورق شفاف وندخله الفريزر يمسك.

لما نطلعه نحط عليه شيكولاتة.. ضيفى فراولة وغطيها بالصوص ساعة التقديم.

دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.