التارت كلمة عند أى إنسان معناها 3 طبقات.. العجينة والكريمة وطبقة الفواكه.. التارت فى اللغة الفرنسية كلمة معناها فطيرة.. يعنى حاجة كده وهمية الجمال.. التارت له طرق كتيرة جدا وله تاريخ كبير فى مدة أوروبا .. لو حابين تتعرفوا عليها اكتر زوروا الرابط ده  . يلا نتعلم سوا طريقة تحضير تارت الفواكه اللذيذ.

طريقة تحضير تارت الفواكه:

المكونات:

عجينة التارت:

١٠٠جم زبده ساقعة
نص كوب سكر بودرة
صفار بيضة 
معلقة صغيرة فانيلا 
رشه ملح
كوب و٤/٣ دقيق

مقادير الحشو:
٢ كوب لبن
٢ بيضة وفانيليا
٣/٢ كوب سكر
٤ معالق كبيرة نشا

طريقة التحضير.

نخلط مكونات التارت مع بعض بعدين نضيف كوب و٣/٤ دقيق ونعجن لغايه ما تلم منعجنهاش كتير، ونحطها في التلاجة ترتاح وبعدين نحطها في قوالب التارت ونخرم القاعدة باستخدام شوكة وندخلها الفرن على ١٩٠ درجة مئوية لغاية ما تبتدي تاخد لون من فوق
نطلعها تهدي ونحشيها كريم باتسيير.

تحضير الكريم باتيسيير.

نحط كوبايتين ونص لبن على النار تغلي ونضرب ٢ بيضة وفانيليا و٣/٢كوب سكر و٤ معالق نشا مع بعض في بولة، أول اللبن ما يغلي نحط شوية منه على خليط البيض ونقلب بسرعة لغاية ما نخلص اللبن ونرجعه على النار عشان يغلي ويتكاثف نحطه في بوله يبرد و نغطيه بكلينج فيلم يكون ملاصق للسطح، لما يهدى نملى التارت ونزينه بالفاكهة.

دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.