التارت كلمة عند أى إنسان معناها 3 طبقات.. العجينة والكريمة وطبقة الفواكه.. التارت فى اللغة الفرنسية كلمة معناها فطيرة.. يعنى حاجة كده وهمية الجمال.. التارت له طرق كتيرة جدا وله تاريخ كبير فى مدة أوروبا .. لو حابين تتعرفوا عليها اكتر زوروا الرابط ده .. احنا بقى قررنا نكسر القاعدة التقليدية المتعارف عليها فى عمل التارت، ونقدم طريقة تحضير تارت سنيكرز.. واااااووو مين يقدر يقاوم شيكولاتة سنيكرز الغنية بالسودانى والكراميل؟! أصلا الطعم بيلزق فى الذاكرة صعب يطلع منها.. شركة Mars الأمريكية لما صنعت شيكولاتة سنيكرز كانت بتقدم للبشرية عمل يستحق التقدير.. بجد وهمية الطعم.. تعالوا نعرف سوا طريقة تحضير تارت سنيكرز الشهى جدا جدا.

طريقة تحضير تارت سنيكرز:

المكونات:

٤ باكت بسكوت أوريو كبير

٣ معالق كبيرة زبدة سايحة

١٠ قطع جبن كيري

ربع كوباية سكر

معلقة صغيرة فانيليا

٢ دانيت كراميل

للتزيين ٥ قطع شيكولاتة سنيكرز

طريقة التحضير.

٤ باكيت بسكوت أوريو نخلطهم مع ٣ معالق زبده سايحة و نحطهم في الصينية وندخلها الفرن ١٠ دقايق على  ١٨٠°م.

الحشو
١٠ قطع جبن كيري نضربها كويس ونضيف ربع كوباية سكر وفانيليا ونضرب بالمضرب الكهربى وبعدين نضيف ٢ دانيت كراميل ونضرب كويس جدا (انا ضفت عليهم معلقتين صوص كراميل كنت عاملاهم من حليب مكثف) ودي الطبق التانية
ندخلها الفريزر ١٠ دقايق.

الوش
٤ قطع شيكولاتة سنيكرز على حمام ميه معاهم معلقتين لبن ويبرد ونحطه على الوش
وقطعت واحدة سنيكرز ومالتيزرز للتزيين واستخدمت صوص شيكولاتة.

شاهد فيديو طريقة تحضير صوص الشيكولاتة فى المنزل من هنــــا

 دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.