طريقة تحضير سوشي النوتيلا والموز


السوشي وما أدراك ما السوشى.. فى ناس عايشة الحياة على حس السوشى ده، وفى ناس ميزانياتها باظت بسبب السوشى.. وفى ناس اخترقت كل قواعد السوشى وعملت منه حلويات سريعة ولذيذة زينا كده.. عملنا لكم سوشي النوتيلا والموز.. السوشي بدأ ظهوره كوصفة فى كوكب اليابان الشقيق فى القرن 18.. وزى ما قولنا عبارة عن رز وسمك بتلفوا مع بعض بطريقة خاصة ويتقدم ني.. تعالوا احنا بقى نجدد ونفنن ونبعد ونعرف طريقة تحضير سوشى النوتيلا والموز مع بعض.. وصفة سهلة وطعمها ملوش مثيل.

 

طريقة تحضير سوشي النوتيلا والموز:

 

المكونات:

فانيليا
كوب لبن

٣ معالق سكر بودرة

معلقتين زبده سايحة

كوب دقيق

نوتيلا 
موز

 

طريقة التحضير.

نخلط كل المقادير مع بعض كويس ونصفيهم، بعد كده طاسة على النار ممسوحة بزيت خفيف اوي نحط فنجان من الخليط ونسويه وحشيته نوتيلا وموز وقطعته.

 

دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.