حالو يا حالو، رمضان كريم يا حالو، ومن مظاهر الكرم فى رمضان وخصوصا فى مصر، العزايم، واللى مش ممكن تخلو أبدا من وصفة أو اكتر للحلويات الشرقية، واللى من أهمها وأجملها وأصغرها فى الحجم، الكنافة المبرومة. أوقات كتيرة بنفضل نشترى الحلويات من المحلات المتخصصة، يمكن عشان الوقت، ويمكن مش واثقين إننا ممكن نعملها وتطلع حلوة زى اللى بنشتريها من بره، بس معانا هتقدروا تنفذوا كل الوصفات الحلوة وبنتيجة مضمونة، ومن بينها طريقة تحضير الكنافة المبرومة، أو ساعات بيسموها عش البلبل، تعالوا نتعرف سوا على مكوناتها وطريقة تحضيرها.

طريقة تحضير الكنافة المبرومة "عش البُلبُل":

المكونات:

1/2 كيلو كنافة

1/2 كوب سمن بلدى

للحشو:

200 جرام سكر (أو حسب الرغبة)

2 كوب لبن "حليب"

2 ملعقة كبيرة نشا

للزينة:

كريم شانتيه بودر

طريقة التحضير.

نقوم بلف الكنافة على أصابع اليد، بحيث تأخذ شكل العش الصغير.

فى طاسه مُناسبة، يتم وضع السمن ورص قطع الكنافة بعد تشكيلها، ثم تُسقى قطع الكنافة مرة أخرى بالسمن.

نُدخل صينية الكنافة فى الفرن، على الرف الأوسط، لمدة من 15– 20 دقيقة على درجة حرارة 160°م.

نرفع الكنافة من الفرن، ونتركها لتبرد قليلا، ثم نقوم بتسقيتها بالشربات البارد.

لمعرفة طريقة تحضير الشربات اضــــــــــغط هنــــــــــــــــــــــــــا 

لتحضير حشو المهلبية:

فى وعاء مناسب على نار هادية، نضع اللبن "الحليب" والسكر والنشا، ونقوم بالتقليب المستمر، حتى يحصل الربط، ونحصل على القوام المطلوب.

نترك المهلبية حتى تبرد قليلا، ثم نقوم بوضعها فى الكنافة كحشو.

يمكن تزيين قطع الكنافة بنوع الفاكهة المُفضل لديكم "المانجو" مثلا.

دى وصفتنا النهاردة، أتمنى إنها تكون وصفة سهلة، لو عجبتكم، انضموا لجروب جوا الحلة على الفيسبوك عشان نشارك سوا وصفات الأكلات والحلويات وتكونوا جزء من عالمنا.

لمشاهدة طريقة التحضير بالتفصيل اتواصل مع الشيف من هنـــــــــا