رمضان جانا وفرحنا به.. فرحة رمضان فى العالم الإسلامى كله كوم، وفى مصر كوم تانى خالص، والسبب مظاهر الاحتفال بالشهر الكريم فى مصر، واللى بتختلف تماما عن غيرها من الدول الإسلامية، لأن مصر بتتميز بفوانيس رمضان، وزينة رمضان اللى بتملا البيوت والشوارع، وده بالإضافة لمدفع الإفطار اللى بيضرب من ورا أسوار القلعة، وكمان حلويات رمضان الشرقية القديمة، والشرقية اللى اتعمل عليها تعديلات كتيرة جدا فى السنين الأخيرة، بداية بالكنافة بالمانجة، وصولا للكنافة بالقشطة الكدابة، موضوع وصفتنا النهاردة.

طريقة تحضير كنافة بالقشدة الكذابة:

المكونات:

1/2 كيلو كنافة مقطعة ناعم

كوب سمن بلدى

3 كوب حليب

5 ملاعق كبيرة نشا

3 ملاعق كبيرة قشدة

ربع كوب سكر

للشربات:

2 كوب سكر

1 ونصف كوب ماء

عصير ليمونة ونصف ليمونة

ملعقة فانيليا

طريقة التحضير:

يتم وضع مكونات الشربات مع بعض ماعدا الفانيليا وتركها تغلي علي نار هاديه عشر دقائق ثم يتم وضع الفانيليا وترك الشربات ليبرد.

يتم عمل القشدة الكذابة بوضع اللبن مع النشا والقشدة والسكر والتقليب علي البارد ثم توضع علي النار مع التقليب المستمر حتي يغلظ القوام وتترك لتبرد.

يتم تسخين السمن وإضافته مع الكنافة وفركها جيدا حتي تتشبع كل حبات الكنافة بالسمن ويتم دهن صينية مقاس 30 بالسمن ونضع نصف كميه الكنافة ونكبسها جيدا باستخدام راحة اليدين، ثم نضع القشدة مع عدم ملامستها للأطراف، ثم نضع طبقة الكنافة الأخيرة ونضغط عليها برفق بأصابع اليدين.

توضع الصينية في فرن ساخن حتي تحمر من أسفل، ثم نفتح الشواية لتحمر من الوجه ثم تستخرج من الفرن وتُقلب وتسقي بالشربات البارد، وبألف هنا وشفا.

دى كانت وصفتنا للكنافة بالقشطة الكدابة، أنا مش عارفة هى ليه كدابه مع إن طعمها جميل، أتمنى إنها تكون سهلة، تقدروا تشوفوا تفاصيل اكتر للوصفة من خلال الرابط ده

ولو عجبتكم، اعملوا لها شير عشان الكل يستفيد، وبألف هنا.