المهلبية من الوصفات الشرقية الرائعة كصنف من أصناف الحلويات، وفى الفترة الأخيرة، بقى يحصل عليها إضافات تخلى طعمها مبهر أكتر من الأول، بالظبط ده اللى هتلاقوه فى طريقة تحضير مهلبية بالتفاح المكرمل وصوص الشيكولاته، وصفة خيالية الجمال، وشكلها ساعة التقديم بياخد العقل، التغيير فى أصناف الحلويات الشرقية وخصوصا فى شهر رمضان الكريم، بيعمل فرق إيجابى، وبيسمح بالتنوع اللى بيكسر حاجز الملل، تعالوا نتعرف على المكونات مع بعض ونتعلم طريقة التحضير.

طريقة تحضير مهلبية بالتفاح المكرمل وصوص الشيكولاته:

المكونات:

كيلو لبن

كوب ونصف سكر

4 ملاعق نشا كبار

معلقه فانيليا صغيرة

3 تفاحات مقشرة ومقطعة مكعبات صغيرة

ملعقة كبيرة قرفة

صوص شيكولاته

طريقة التحضير:

يتم وضع نصف كوب سكر في طاسه مع ملعقتين مياه، ويرفع علي النار حتي يصير لونه ذهبيا.

ننزل بالتفاح فى الطاسه مع التقليب المستمر، ونضع ملعقة القرفة حتي يصير لونه مائل للبني الفاتح.

يتم وضع الحليب مع كوب السكر والنشا ويقلب ثم يوضع علي النار مع التقليب المستمر حتي يغلظ القوام، بعدها نضع الفانيليا.

يتم تجهيز الكاسات وتزينها بصوص الشيكولاته ثم نضع طبقة من التفاح المكرمل وطبقة من المهلبية ونعيد الكره مرة أخري ثم نزين الوجه بالتفاح المكرمل وصوص الشيكولاته وندخله الثلاجة ليبرد وبألف هنا وشفا.

دى كانت وصفتنا للمهلبية بالتفاح المكرمل وصوص الشيكولاته، أتمنى إنها تكون سهلة.

 تقدروا تشوفوا تفاصيل اكتر للوصفة من خلال الرابط ده

ولو عجبتكم، اعملوا لها شير عشان الكل يستفيد، وبألف هنا.