وأنا صغيرة عندى حوالى 9 سنين،  قرر أخويا الكبير حوالى الساعة 11 بالليل ياخدنى أنا واخواتى فى خروجة أكل ليلية مسائية مش مترتب لها، بص لنا فى البيت وقال: "البسوا بسرعة يا ولاد عشان خارجيين"، لبسنا بسرعة رهيبة طبعا، وأول ما ركبنا العربية سألناه: "رايحين فين يا أبيه؟" قال:" هناكل شيش طاووق"!! بسم الله الرحمن الرحيم، مين شيش طاووق ده؟! فضلنا نسأله عن شكل الاختراع ده واسمه عامل ليه كده؟ وأكد لنا إننا هنتهبل عليه جمال طعمه وإن ده أجمد ساندوتش ممكن يتاكل بره البيت. بالفعل رحنا معاه على الكافيتيرا اللى بتقدم سندوتشات الشيش طاووق، فى أول شارع الهرم، ومش على الشارع الرئيسى كمان، لأ ده فى شارع جانبى، وأول ما وصلنا اتصدمت بصراحة، الزحمة كانت غير عادية، طوابير من البشر، اللى واقف فى دور الخزينة عشان يدفع، واللى مستنى يستلم السندوتشات بتاعته، وبالرغم من إن الكافيتريا كانت بتقدم أصناف كتيرة من الساندوتشات، إلا إن ساندوتش الشيش طاووق كان هو اللى مكتسح الموقف ومتسيد مشهد البيع هناك. علمنا الأوردر بتاعنا وأخدنا السانجوتشات فى صينية اتعلقت لنا بطريقة ظريفة وشيك على شباك العربية، وأكلنا 

واتبسطنا جدا، وروحت وأنا فى منتهى السعادة، وبحلم بساندوتش الشيش طاووق.

الشيش طاووق واللى مشهور فى العالم كله باسم Chicken Tikka، عبارة عن أجزاء من ورك الفرخة بتكوت مخلية تماما من العظم، ومقطعة مكعبات متساوية، والفكرة فى طريقة إعدادها واللى بتخليها مميزة فى طعمها، إنها بتعتمد على تعريض قطع الفراخ دى لدرجة حرارة عالية، بتخليها تستوى، وفى نفس الوقت تكون محتفظة بالسوايل بتاعتها فتكون طرية جدا من الداخل ومليانة بالعصارة الجميلة، اللى بيزداد جمالها بسبب التتبيلة، وده هنقوله بالتفصيل فى الوصفة.

الدجاج التكا، وصفة هندية أصيلة، اشتهر بيها إقليم بنجاب ومن هناك بدأت تنتشر طريقة تحضير الفراخ بأسلوب التكا أو الشيش طاووق فى كل أنحاء الهند وباكستان، ومنها لكل دول المنطقة وخصوصا دول الشرق الأوسط وتركيا، ومنها لكل العالم، اللى بيعشق وصفة الدجاج التكا، وبيروح مطاعم مشهورة وعلى مستوى عالمى عشان ياكل الوجبة الرائعة دى سواء فى صورة طبق مع الخضار السوتية أو فى صورة ساندوتشات. تعالوا مع بعض نتعرف على فوايد الفراخ وخصوصا الفراخ البيضا عشان نفيد جسمنا على قدر ما نقدر.

فوائد الدجاج الأبيض:

يُفيد أكل الدجاج في محاربة نموّ وانتشار الشوارد الحرّة في خلايا الجسم، لذا فهو يحدّ من نمو الأورام السرطانيّة بمختلف أنواعها؛ لاحتوائه على مضادّات الأكسدة. يساعد في تخفيض نسبة ضغط الدم المرتفعة في الجسم، ولكن مع ضرورة نزع الجلد عنه. يقوّي أداء الجهاز المناعيّ، ويحفّز قدرة الجسم على مقاومة الأمراض المختلفة، ويحمي الأنسجة من التلف. يعمل على تحفيز نموّ العضلات وتقويتها، وتحسين أدائها لغناه بالبروتين الحيوانيّ الجيّد قليل الدهون. يمنع الإصابة بالأنيميا " فقر الدم " ويقي من الشعور بالضعف العام والإرهاق المزمن لقدرته على إنتاج كريات دم حمراء جديدة وهيموجلوبين الدم. يحفّز عمل الدماغ والخلايا العصبيّة، ويقي من الإصابة بمرض الزهايمر"النسيان" ويحسّن القدرات العقليّة كالذاكرة والاستيعاب. يساعد على توازن إفراز الهرمونات في الجسم، كما يُفيد في عمليات إنتاج الكربوهيدرات والدهون في الجسم، ويُساعد على إنتاج الطاقة وتبادل الأوكسجين في الخلايا. يلعب دوراً كبير في بناء عظام متينة ويحميها من الإصابة بالهشاشة، كما يقوّي الأسنان ويمنع تكسّرها.

طريقة تحضير شيش طاووق (تكا) ومكوناتها:

المكونات:

1/2 كيلو أوراك دجاج مخلية ومُقَطَّعة مكعبات

4 ملعقة طعام زبادى

1/2 ملعقة شاى كركم

1/4 ملعقة شاى كمون مطحون

ملعقة شاى توابل (جراما سالا الهندية)

1/2 ملعقة شاى فلفل أحمر حار

2 فصوص ثوم مُقطع شرائح

1/2 ملعقة شاى ملح

1/4 ملعقة شاى فلفل أسود مطحون

1/4 ملعقة شاى زنجبيل مطحون

1/4 ملعقة شاى بودرة ثوم

ملعقة طعام عصير ليمون

2 ملعقة طعام زيت زيتون

حبة بصل أبيض صغيرة مُقطعة شرائح

فلفل ألوان مقطع شرائح

مجموعة أعاود خشبية للشواء

طريقة التحضير:

يتم وضع جميع مكونات التتبيلة فى وعاء عميق، حيث نخلط جميع التوابل مع الزبادى وزيت الزيتون، ويستمر الخلط بواسط مضرب يدوى أو ملعقة خشبية، حتى تختلط جميع المكونات تماما وتصبح ذات قوام واحد متجانس ومتماسك.

يتم غسل قطع الدجاج جيدا بالملح والخل والليمون، ثم توضع فى التتبيلة الموجودة بالوعاء العميق وتترك داخل التتبيلة فى الثلاجة (البراد) ساعتين على الأقل أو طوال الليل، كما يمكن أن توضع كذلك شرائح البصل والفلفل الألوان فى نفس الوعاء مع قطع الدجاج لتتشرب التتبيلة، ويمكن ألا نضعها (حسب الرغبة).

أثناء تتبيل قطع الدجاج، نضع الأعواد الخشبية فى وعاء به ماء بارد، وذلك حتى لا تحترق الأعواد أثناء عملية الشواء، أو التسوية فى الفرن.

بعد تتبيل قطع الدجاج، تُستخرج ونبدأ فى رصها على الأعواد الخشبية، فنضع قطعة من الدجاج المُتبل، ثم شرائح من البصل والفلفل الألوان، ونُكرر العملية حتى يمتلئ العود الخشبى بقطع الدجاج وشرائح البصل والفلفل الألوان، تُوضع بعد ذلك الأعواد الخشبية فى مقلاة شواء مدهونة بزيت الزيتون على نار متوسطة ليتم تسويتها.

تقلب شرائح الدجاج جيدا من جميع الاتجاهات حتى تمام التسوية، وذلك ببقائها حوالى من 8-10 دقائق على النار المتوسطة مع التقليب المستمر على جميع الجهات، بعد ذلك ترفع من المقلاة وتقدم.

يمكن تسوية أعواد الشيش طاووق فى الفرن، حيث نتبع نفس الخطوات السابقة بالتفصيل، وعند مرحلة التسوية، نقوم بتسخين الفرن لمدة 20 دقيقة، ثم نبدأ برص الأعواد الخشبية، المحتوية على قطع الدجاج، على صينية مُناسبة.

نقوم بضبط درجة حرارة الفرن على 160°م، وندخل الصينية ونضعها على الرف الأوسط، نتركها لمدة حوالى 15 دقيقة، ثم نفتح الفرن، ونقلب الأعواد الخشبية على الوجه الآخر، ونغلق الفرن ونتركها مدة 15 دقيقة أخرى، بعد مرور نصف ساعة نغلق الفرن، ونفتح الشواية لمدة من 3- 5 دقائق حتى يتم تحمير الوجه.

تقدم أسياخ الشيش طاووق مع الأرز البسمتى الأبيض أو الأصفر ومعها السلطات مثل سلطة سيزر أو سلطة التومية.

أتمنى تنفذوا الوصفة دى فى البيت عندكوا، لأنها فعلا تستاهل إننا نعملها فى بيوتنا ومنخرجش ناكلها بره البيت، ويا سلام لو تكتبوا لنا عن رأيكوا فيها بكل صراحة.