عايزة تنفذى الوصفة دى فى إيه؟! هى بصراحة تنفع فى كل وقت وكل مناسبة، يعنى تنفع فى حفلات عيد ميلاد، وفى حفلة شاى، وتنفع فى رحلة يوم واحد، تنفع فى لانش بوكس الولاد، وتنفع فى فطار خفيف الصبح مع كوباية شاى، وتنفع تصبيرة وقت الجوع، وتنفع تسالى واحنا بنتابع ماتش أو مسلسل فى التليفزيون!! وصفة المينى بيتزا تنفع فى كل الأغراض ومن مميزاتها إنها ينفع تتح طفى علبة بلاستيك فى التلاجة وبعدين تطلعيها تسخنيها فى الميكروويف وتبقى طازة وهشة كأنها لسه معمولة حالا! المينى بيتزا من اسمها هى عبارة عن بيتزا صغيرة فى حجمها شويتين تلاتة، وممكن تبقى صغيرة لدرجة إنها بتتاكل فى قطمة واحدة أو زى ما بيسموها فى المقبلات باللغة الإنجليزية One Bite Pizza ، يعنى بلغتنا احنا "تتاكل فى قطمة واحدة" وده سر من أسرار نجاح الوصفة الجميلة دى، إنها فى السريع بتتاكل، بس الواحد(ة) ممكن يسرح ويفضل ياكل لحد ما الوزن يبقى ما شاء الله فلازم ناكل ونخلى بالنا من العدد!

مدينة نابولى، المدينة الإيطالية اللى اشتهر فيها ومن خلالها صناعة البيتزا الإيطالية، ومنها لمختلف المدن الإيطالية ثم إلى العالم، وكانت وقتها زى ما قولنا البيتزا مجرد عجين أو "عيش" مش أكتر، وهناك كان فى شخص بيبيع العجين ده، صادف وقت بيعه مرور الملكة "مرجريتا" اللى طلبت تتذوق العجين بتاعه، وبالفعل انبهرت بيه بعد ما اكلته، وبيتقال إنها كانت بتبعت حد من القصر يشترى لها من عجين الرجل ده، فلما عرف، زين العجين بالصلصة الحمرا، والجبنة الموتزاريلا والريحان، الألوان الثلاثة للعلم الإيطالى، وسمى القطعة دى بيتزا مرجريتا نسبة إلى الملكة عشان يزود شهرته، وفعلا اشتهر الرجل واشتهرت البيتزا مرجريتا وانتشرت فى العالم كله لحد وقتنا ويومنا ده!

العالم كله بياكل بيتزا، وجبة سهلة وسريعة فى تحضيرها، ومكوناتها بسيطة ومتوفرة، ومن خلال طعمها الجميل، استفادت شركات عالمية كتير، أنشأت سلسلة مطاعم للبيتزا فى العالم كله، وكسبت من خلالها مليارات الدولارات، وطبعا أشهرهم على الإطلاق "بيتزا هت"، و"بابا جونز" و"دومينوز بيتزا" وغيرهم كتير، اللى عرفوا يسوقوا لمنتج بسيط بشكل عالمى، وأعتقد مفيش حد فينا إلا وأكل فى مطعم بيتزا من دول، وله هناك صولات وجولات كمان. وعشان احنا هدفنا إننا نعمل وصفات جميلة فى بيوتنا، نخلى بيها كل ست تقدر تحقق ده بنفسها، كان لازم نقدم لكم وصفة من وصفات البيتزا، نعملها سواف ى البيت بإتقان، عشان لما تطلب معانا بيتزا، يبقى لا نخرج ولا نتصل نعمل أوردر، يبقى كل المطلوب مننا بس، نقوم نحضرها فى البيت، ونستمتع بالطعم البيتى الرائع والمُشهى والنضيف، والمواصفات دى مش بتتوفر إلا من ايد ست البيت. يلا مع بعض نتعرف على طريقة عمل بيتزا ستافت كراست اللى كانت نقلة وطفرة كبيرة فى عالم صناعة البيتزا، واللى فكرتها حققت نجاح عريض.

أفران ومخابز كتير فى كل حتة فى العالم وفى مصر بتعمل المينى بيتزا، بس بصراحة فى الفترة الأخيرة أسعارها فى الأماكن دى بقت غالية جدا، والجودة بقت فى النازل، ارتفاع الأسعار بيخلى كل ست بيت أو ربة أسرة تفكر كذا مرة قبل ما تشترى أى حاجة من بره، ومن الضرورى وهى بتفكر فى ارتفاع الأسعار بتدور لنفسها على حلول إما بإنها تستغنى عن المنتج ده أساسا أو إنها توجد البديل، واحنا فى المدونة بنساعد ست البيت وربة الأسلاة فى إيجاد الحل البديل وبنقدم لك أسهل طريقة لعمل المينى بيتزا فى البيت وبأقل تكلفة وبأجمل نتيجة، تعالوا مع بعض يلا نتعرف على المكونات وطريقة التحضير.

طريقة تحضير مينى بيتزا

المكونات:

للعجينة:

2 كوب دقيق

ملعقة طعام ملح

ملعقة طعام سكر

2 ملعقة طعام زيت زيتون

2 ملعقة طعام لبن بودرة

ملعقة طعام خميرة فورية (دريم الحمراء أو Pacmaya)

نص كوب ماء أو أكثر "لغرض العجن"

للحشوة:

تونة قطع

جبن موتزاريلا مبشورة Mozzarella

ملعقة شاى زيت زيتون

ملعقة طعام جبنة شيدر مبشورة

شرائح من الفلفل الرومى الأخضر

شرائح من الطماطم مُقطعة على شكل دوائر

شرائح زيتون (أسود وأخضر) مخلية من البذوز

لصوص البيتزا:

2 ملعقة طعام معجون طماطم

ملعقة شاى زيت زيتون

ملعقة شاى فلفل أحمر حار (حسب الرغبة)

ملعقة شاى بودرة بصل

1/4  ملعقة شاى ثوم بودرة

1/4  ملعقة شاى زعتر جاف

1/4  ملعقة شاى ريحان جاف

1/4 كوب ماء صنبور

رشة ملح

رشة فلفل أسود

طريقة التحضير.

يتم تحضير عجينة البيتزا، ففى وعاء عميق نقوم بوضع جميع مكونات العجين سويا، ثم نُضيف إليها الماء تدريجيا، وبواسطة راحة اليدين نقوم بخلط جميع المكونات مع بعضها البعض حتى يُصبح العجين متماسكا فى شكل كتلة واحدة، بحيث لا يلتصق العجين باليدين بعد العجن.

نقوم بتغطية الوعاء المُحتوى على العجين بغطاء بلاستيك ثم بفوطة نظيفة جافة، ويجب أن يكون الغلق بإحكام حتى لا يتسرب الهواء للوعاء، ونتركه فى مكان دافئ حوالى ساعة أو ساعتين ليختمر العجين وينتفش ويتضاعف فى الحجم.

تُستخرج العجينة من الوعاء، ثم نعمل على فردها وتشكيلها، وذلك برش كمية مناسبة من الدقيق (الطحين) على مائدة مسطحة مناسبة، أو على رخامة مُناسبة، ثم نضع العجين فوق الدقيق ونبدأ فى فرده بواسطة النشابة بحيث تُصبح العجينة مفرودة تماما.

بعد فرد العجينة، نبدأ فى تقطيعها على شكل دوائر بواسطة الأشكال المعدنية الجاهزة، وفى حالة عدم توفر هذه الأشكال، يمكن استخدام كوب عادى، بحيث نقلب فتحة الكوب (الفوهة) على العجين ونضغط بقوة بواسطة اليدين حتى ينقطع العجين على شكل دائرة، ونكرر هذه الخطوة مع العجين بالكامل حتى نحصل على الأشكال الدائرية المطلوبة.

نقوم بدهان قاع صينية مناسبة بزيت الزيتون أو الزبدة، ثم نقوم بوضع العجينة المقطعة على شكل دوائر، على الصينية ثم نبدأ فى تحضير الصوص.

فى مقلاة ساخنة نضع معجون الطماطم، ثم نُضيف إليه الماء، ونتركه قليلا حتى يسخن ويُصبح سميكا، بعدها نقوم بإضافة التوابل المذكورة فى المكونات، ثم نضيف زيت الزيتون، ونُقلب الصوص جيدا بواسطة ملعقة خشبية، ثم نتركه على النار فترة 3-5 دقائق لتتجانس المكونات مع بعضها ونحصل على صوص سميك ومناسب، ثم يُرفع الصوص من على النار ويترك جانبا ليبرد.

بعد أن يبرُد الصوص الأحمر، نقوم بفرده فوق الدوائر حتى يُغطى مساحتها بالكامل، بعدها نبدأ فى وضع الحشوة وتوزيعها بشكل مناسب، حيث نقوم برص شرائح الطماطم والفلفل الرومى والزيتون والجبنة الشيدر والمتوتزاريلا فوق العجين، وكذلك قطع التونة أو أى حشوة أخرى مُفضلة بالنسبة لكم.

بعد الانتهاء من رص المكونات على العجينة، نقوم بإدخال الصينية فى الفرن على الرف الأوسط، على درجة حرارة 200°م، لفترة حوالى من 20-25 دقيقة حسب قوة الفرن وتوزيع الحرارة به، ويُفضل أن نكون قد قُمنا بتسخين الفرن فترة ربع ساعة قبل وضع الصينية به.

بعد تمام تسوية البيتزا، نقوم بوضعها فترة 3-5 دقائق تحت الشواية للحصول على اللون الذهبى البنى الجميل والمُناسب للتقديم. نُخرج الصينية من الفرن ونقوم بتزيينها بالقليل أوراق الريحان الطازجة.

أتمنى تكون وصفتنا سهلة، وهى بصراحة سريعة جدا فى تحضيرها، وطعمها روعة. جربوها واعملوها فى البيت لأنها أوفر من الجاهز وأكيد بمكونات مضمونة لأنها معمولة بايدينا احنا، وبالهنا.