فى أفكار كده عبقرية فى نفسها، حاجات كده فوق مستوى التصور أو الخيال، الحاجة الوحيدة اللى بتخلينا نصدق إنها حقيقة، طعمها لما ينزل يسيح فى الفم، ومنه للمعدة، مفيش حاجة تقدر تعمل فى أى إنسان عاقل كده، غير المولتون كيك، إحساس الشيكولاتة السايحة جوا قالب كيك من الشيكولاتة، لا يمكن يتوصف، ممكن تشوفه وتعيش معاه لحظات وثوانى سريعة من الفرحة والسعادة، وتزيد السعادة دى لو كنا احنا المحظوظين بتناول قالب مولتون كيك دايب فى الشيكولاته من جوا. طريقة تحضير مولتون كيك سهلة، بس النتيجة بالنسبة لناس كتيرة مش بتطلع مظبوطة، يعنى الشيكولاته بتطلع غالبا ناشفة من جوا مش سايحة، لكن لما تجربوا طريقة تحضير مولتون كيك بمقاديرنا وتكاتنا، وتظبط معاكم، أكيد هتبقى فرحة كبيرة فى كل العيلة، خلى بوالكم إن درجة حارةر الفرن ومدة تسويتها فى الفرن عامل أساسى جدا جدا فى طريقة تحضير مولتون كيك ناجحة، ولازم قبل تنفيذها فى البيت، إننا نتأكد إن الفرن بتاعنا سليم وتوزيع الحرارة فيه تمام. تعالوا مع بعض نتعرف على طريقة تحضير مولتون كيك شيكولاته. 

طريقة تحضير مولتون كيك:

المكونات:

٢٠٠ جم شيكولاتة خام مبشورة

ملعقة كبيرة زبدة

2 بيضة

كيس فانيليا

معلقتين كبار سكر بودرة

ملعقة ونصف كبيرة دقيق

رشة ملح

زيت نباتى + كاكاو بودر لتبطين قالب الكيك

طريقة التحضير:

في وعاء مناسب، وعلى نار هادئة، نضع الزبدة ونراقبها حتى تذوب تماما.

نرفع الزبدة من على النار، ونضع فيها الشيكولاتة الخام المبشورة، وبملعقة مناسبة نعمل على خلط الشيكولاتة بالزبدة حتى نحصل على صوص شيكولاتة سائل ومتجانس.

في طبق عميق مناسب، نضع البيض ونقوم بضربه جيدا، ثم نُضيف الفانيليا والسكر البودرة، ونستمر بخلط المكونات جيدا مع بعضها باستخدام المصرب اليدوى أو الكهربى.

نقوم بوضع صوص الشيكولاتة على خليط البيض والفانيليا والسكر، ونخلط المكونات جيدا مع بعضها البعض، ثم نُضيف الدقيق والملح، ونستمر بالتقليب، حتى تتجانس المكونات جيدا.

نعمل على تحضير قوالب الكيك لاستقبال الخليط، حيث نقوم بدهان القوالب (فويل، أو تيفال) بالزيت، ثم نرش عليها طبقة من الكاكاو الخام، ونتأكد من التخلص من الكاكاو الزائد.

 لمشاهدة طريقة تبطين القالب اضـــــــغط هنـــــــــــــــــــا

نملأ القوالب بعد تبطينها بالخليط الذى قمنا بتحضيره، مع مراعاة ترك مسافة فارغة من أعلى لأن الكيك بعد التسوية يرتفع.

في فرن سبق تسخينه لمدة ربع ساعة، على درجة حرارة 180°م، نُدخل القوالب، لمدة من 10-15 دقيقة حسب قوة حرارة الفرن لديكم.

نستخرج القوالب، وتُقدم المولتون كيك مع مشروبكم الساخن المُفضل.

دى كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده وتسألوا صاحبة الوصفة مباشرة عن أى حاجة تخص الوصفة.. وبالهنا.