دلع كرشك! يعنى الواحد(ة) يفضل ياكل لحد ما بطنه تتملى وزيادة بكتير، والمعدة تكبر كده وتبقى كرش محترم يملا العين ويخلى الناس تستغرب وتسأل الكرش ده كله جه منين!! هى يمكن دلع كرشك بنقولها كمصريين أكيد بغرض الهزار، بس الحقيقة إن الكرش ده أكبر دليل على سوء النظام الغذائى للإنسان، وإنعدام النشاط الرياضى، وبيبقى مؤشر خطير لمجموعة كبيرة بعد كده من الأمراض بيكون السبب فيها الوزن الزيادة، وبالتالى فى مرحلة من مراحل حياة الإنسان لا هيعرف يدلع كرشه ولا حاجة، ويمكن يتحرم من أغلب أنواع الأكل بسبب سوء التغذية والإفراط فى تناول الأكل، وساعتها يبقى يسلم لنا على كرشه!!

فى وقت المناسبات والأعياد، بتظهر عندنا فى مصر قايمة طويلة بالمأكولات والحلويات والمشاريب وغيرها، لأن الأعياد والمواسم عندنا مرتبطة دايما بالمعدة، العلاقة بينهم وثيقة وأبدية، وفى العيد الكبير اللحمة بتكون هى البطل، فتى الشاشة الأول، بتتصدر المشهد، وبتتعمل فى البيوت بطرق مختلفة، ومش بس كده، ده كمان كل جزء من أجزاء العجل أو الخروف، له طريقة يتعمل ويتحضر بيها ويتقدم فى العيد الكبير على سفرة الأكل الطويلة العريضة.. ومن أهم الأجزاء اللى بتشارك فى دور البطولة على سفرة العيد الكبير، الكبدة، لأن تحضيرها سهل ومش بياخد وقت، تلاقى أغلبنا كمصريين بعد صلاة العيد بيفطر كبدة، ممكن فعليا ست البيت تقف تعملها فى 10 دقايق، والكل ياكل ويتبسط.. وطرق عمل الكبدة كتير، بنحاول فى المدونة نستعرضها كلها عشان نقدر نغير فى طريقة تحضيرها وتقديمها على سفرتنا، والنهاردة هنعمل الكبدة بالردة، بس الأول نروح سوا نتعرف على فوايد الكبدة على صحتنا.

فوائد الكبدة:

تُعالج مشكلة فقر الدم ويقيه منها لغناه بفيتامين "ب 12". تُسهم بشكل كبير جداً في تكوين كريات الدم الحمراء. لها دور كبير في بناء عضلات الجسم. تقوية حاسة البصر وتحسين الرؤية. تعمل على مقاومة التوتر والضغط النفسي وتُقوي الإخصاب. تعمل على تقوية جهاز المناعة في الجسم، وجعله أكثر مقاومةً للأمراض. مفيدة جداً للبشرة فهى تقويها كما تقوي الأظافر أيضاً. تحافظ على صحة وسلامة الأسنان والعظام. مهمة جداً للأم الحامل وجنينها لغناه بحمض الفوليك الضروري لهما. تُمد الجسم باحتياجاته اليومية من السعرات الحرارية. تحتوي على حمض البنتوثينيك الضروري للعمليات الحيوية التي تسير داخل الجسم والتي من خلالها يتم تحويل الطاقة الكيميائية إلى أشكال الطاقة الأخرى.

المكونات:

كيلو كبدة بانية (بقرى أو ضانى)

ربع كيلو ردة
5 فص ثوم مفروم
ملعقة شاى ملح

1/4 ملعقة شاى فلفل أسود مطحون

1/2 ملعقة شاى كمون مطحون

2 ملعقة طعام عصير ليمون

ملعقة شاى بهارات لحمة

ملعقة طعام خل أبيض

2 ملعقة طعام سمن بلدى (أو زيت نباتى)

طريقة التحضير

نقوم بشطف الكبدة شطفة سريعة بالماء ثم نبدأ بتحضير الخلطة المستخدمة فى التتبيل.

فى المطحنة الكهربائية (أو اليدوية)، نقوم بخلط الثوم وجميع التوابل مع بعضها البعض، ثم إضافة الخل الأبيض وعصير الليمون لتصبح التتبيلة جاهزة للاستخدام.

نُضيف التتبيلة إلى الكبدة، ونتركها فى الثلاجة (البراد) مدة لا تقل عن ساعة حتى تتشرب الكبدة التتبيلة التى ستعطيها الطعم المميز.

نستخرج الكبدة من الثلاجة، ونتركها فى درجة حرارة الغرفة حوالى نصف ساعة، ثم نبدأ فى خلطها بالردة، حيث نقوم بواسطة راحة اليد بفرد قطع الكبدة على طبق به الردة، ونبدأ فى الضغط قليلا براحة اليد على جانبى قطعة الكبدة، بحيث نتأكد من التصاق الردة بسطح قطعة الكبدة، ثم نقلب قطعة الكبدة على الوجه الآخر ونكرر نفس العملية بواسطة راحة اليد، ويُراعى عدم الضغط الزائد براحة اليد، كما يُراعى كذلك التأكد من تغطية وجهى قطعة الكبدة بالردة جيدا من الوجهين.

نضع مقلاة غير قابلة للالتصاق على نار متوسطة، ثم نضع بها السمن أو الزيت، وبعد أن يسخن السمن قليلا، نضع قطع الكبدة فى المقلاة، ونُراعى أن نقلب الكبدة على وجهيها حتى تأخذ اللون البنى الداكن.

تستغرق عملية التسوية مدة من 10 – 15 دقيقة، ونراعى أن نقوم بتذوق قطعة من الكبدة قبل رفعها من على النار حتى نتأكد من وصولها للنضج التام، ثم تُرفع بعدها من على النار.

يُمكن كذلك تحضير "دقة" عبارة عن (عصير ليمون، 4 فصوص ثوم مفروم، نصف ملعقة صغيرة ثوم بودرة، نصف ملعقة صغيرة ملح، ربع ملعقة صغيرة فلفل أسود مطحون، نصف ملعقة صغيرة كمون مطحون، 1 حبة فلفل أخضر رومى، ربع ملعقة صغيرة شطة حارة، ربع كوب ماء) حيث تخلط جميع المكونات مع بعضها فى المدق اليدوى او الكبة الكهربائية، وبعد أن تمتزج يُمكن إضافتها إلى الكبدة حسب الرغبة لأنها تُعطى مذاقا إضافيا لها. تُقدم قطع الكبدة مع الخبز وسلطة الطحينة.

يا رب تكون الوصفة سهلة، شاركونا بآرائكم عن أى شئ يخص المدونة، وبصوركم فى فنون الطبخ والتقديم.