فى ناس كده يا جماعة نزيهة فى نفسها.. تحب تمتع روحها فى أى مكان أو زمان.. كل اللى يفرق معاهم انبساطهم ومزاجهم يبقى دايما عالى.. خصوصا فى الأكل.. مفيش عندهم مساومات ولا حلول تقبل القسمة على اتنين.. من الناس دى داوود باشا عبد الرحمن الوالي العثمانى العاشر لمصر.. الراجل ده اتعين والى على مصر سنة 945هـــ 1538م.. واللى عينه وقتها كان السلطان العثمانى سُليمان القانونى اللى اتعمل عليه المسلسل التركى الرائع "حريم السلطان".. المهم داوود باشا كان رجل مثقف جدا وبيحب العلماء وبيكرمهم دايما.. بس الحقيقة كان كمان بيحب الأكل وخصوصا الكُفتة.. لم جه مصر طلب من الطباخين اللى عنده يعملوا له كفتة.. بس للأسف بعد ما أكل الكفتة معجبتهوش.. طلب فورا الطباخين العثمانيين بتوعه ييجوا له على مصر عشان يعلموا الطباخيين المصريين الكفتة اللى داوود باشا بيحبها بتتعمل ازاى.. وفعلا حصل كل الحوار ده.. بس المصريين معروفيين إنهم بيحبوا يحطوا التاتش بتاعهم على كل حاجة فحطوا التاتش بتعهم على وصفة الطباخين العثمانيين وقدموا الكفتة لداوود باشا عبد الرحمن اللى أُعجب جدا بيها لدرجة إنه كان بياكلها كل يوم وعمر ما يوم عدى عليه من غير ما يطلبها من الطباخين بتوعه.. الشعب المصرى مكنش ممكن يعدى قصة زى دى عادى كده.. كان لازم يطلعوا للكفتة اسم ومفيش طبعا أحلى من اسم الحاكم المهووس بيها عشان تتسمى على اسمه.. ومن يومها والكفتة اسمها داوود باشا!!

أسس داوود باشا مسجداً حمل اسمه في منطقة «سويقة اللالا» وهي حارة تقع خلف عمارات شارع بورسعيد بالسيدة زينب .. لا يتجاوز طول الحارة 270 مترا، تصل بين شارع الحنفي بجوار درب الهياتم وبين شارع الدرب الجديد اللى بيوصل مباشرة بشارع بورسعيد. لكن بالرغم من إن المسجد اتبنى باسمه بناء على طلبه.. إلا إنه وصى كل المقربين منه إنه يتدفن بجوار قبر الإمام الليث بن سعد، وقد تحقق له ما أراد.

طريقة عمل كفتة داوود باشا طبعا بالصبغة المصرية اللى اشتهرت بيها بيعتمد على اللحمة المفرومة والتوم والصلصة الحمرا.. طبعا بالإضافة لمكونات تانية هنعرفها بالتفصيل فى الوصفة اللى هنكتبها لكم بعد شوية.. هتلاقوا مطابخ تانية زى المطبخ السورى بيعملوا نفس الوصفة المصرية بس بيغيروا فيها شوية.. بيضيفوا البصل وبيستغنوا تماما عن التوم فى وصفتهم وفى النهاية بيرشوا عليها دبس الرمان وده بيديها مذاق تانى جميل ومميز.. تقدروا تعملوا الوصفة بطريقتنا المصرية الأصيلة وتقدروا لو بتحبوا التغيير تعملوا مرة تانية بالبصل ودبس الرمان عشان تجروبوا طرق تانية وتكسروا ملل التكرار!!

طريقة عمل كفتة داوود باشا:

المكونات:

أولا: مكونات الكفتة.

1/2 كيلو لحم مفروم

بصلة متوسطة مقطعة شرائح صغيرة

2 فص ثوم شرائح
3/4 ملعقة طعام ملح

1/2 ملعقة شاى فلفل أسود مطحون

1/2 ملعقة شاى البهارات السبعة

1/4 ملعقة شاى جوزة الطيب

بيضة مخفوقة  

ملعقة طعام زيت زيتون

ثانيا: مكونات الصلصة الحمراء.

نصف كوب مرقة لحم

2 فص ثوم شرائح
ملعقة طعام سمن

300 جرام عصير طماطم

ملعقة طعام معجون طماطم

رشة ملح

رشة فلفل أسود مطحون

طريقة التحضير:

نقوم بتقطيع البصل بالسكينة لقطع صغيرة جدا، ويُفضل عدم فرم البصل فى الكبة نهائيا، حتى نحصل على النتيجة المطلوبة.

نرش البصل بكمية من الملح، ونتركه لمدة تتراوح بين 10 – 15 دقيقة ليستخرج الماء الموجود به، ثم نقوم بتصفية البصل من الماء، بواسطة اليد، حيث نمسك البصل بواسطة راحة اليدين ونعصره عصرا جيدا، حتى يتخلص تماما من الماء الموجود به.

فى طبق عميق، نضع اللحم المفروم، ونُضيف إليه البصل الذى سبق إعداده وتخليصه من الماء، ثم نضيف الملح والفلفل الأسود المطحون، والبهارات السبعة فى المكونات، وبراحة اليدين نبدأ فى عجن الكفتة جيدا، بحيث تتحول لكتلة واحدة، بعد العجن نُضيف البيضة المخفوقة للمكونات ونخلطها جيدا باللحم المفروم حتى تمتزج معه تماما، وهذه الخطوة ضرورية جدا فى تماسك الكفتة وتُساعد على تشكيلها جيدا.

نقوم بتقسيم اللحم المفروم وتشكيله على هيئة كور متساوية الحجم، وبُفضل أن يكون حجم الكور المُشكلة صغيرا أو متوسطا.

ثم نبدأ فى تحضير مقلاة مناسبة لقلى كور الكفتة، حيث نضع ملعقة زيت الزيتون فى المقلاة الساخنة ثم نُضيف شرائح الثوم لها ونقلب الثوم جيدا لمدة دقيقة تقريبا حتى يأخذ اللون الأصفر الفاتح، ثم نقوم بإنزال كور الكفتة فى المقلاة لنبدأ فى تحميرها.

ويُراعى أثناء تحمير كور الكفتة أن يتم تقليبها على جميع الجوانب، وفى هذه الخطوة يُفضل مسك يد المقلاة وتحريها بهدوء وبطء على نار متوسطة حتى تتحرك كرات الكفتة بالمقلاة وعن طريق تحريك المقلاة باستخدام اليد تتحرك كرات الكفتة فى اتجاهات متعددة تؤدى فى النهاية إلى تحميرها من جميع الجوانب.

نرفع بعد ذلك كرات الكفتة من المقلاة، ونبدأ فى تحضير الصلصة الحمراء، حيث نقوم بوضع مرقة اللحم فى نفس مقلاة تحمير الكفتة حتى نأخذ جميع النكهات التى نتجت عن القلى، ونتركها جانبا لبضع دقائق.

فى وعاء عميق مناسب، نُضيف السمن وبعد أن يسخن نقوم بإضافة الثوم ونقلبه جيدا لمدة دقيقة حتى يأخذ اللون الأصفر الفاتح، نُضيف بعد ذلك مرقة اللحم من المقلاة إلى الوعاء، ثم نضيف عصير الطماطم ومعجون الطماطم للمكونات السابقة ونقلبها جيدا، ثم نضيف رشة الملح والفلفل الأسود ونغلق الوعاء بالغطاء ونترك الصلصة حتى تأخذ التسبيكة المناسبة، وتستغرق هذه الخطوة حوالى من 7-10 دقائق على نار هادئة.

نُضيف كرات الكفتة إلى الصلصة الحمراء بعد تسبيكها، ونتركها على النار الهادئة لتستكمل تسويتها من ناحية ولتأخذ الطعم المميز للصلصة الحمراء من جهة أخرى، ويُراعى غلق غطاء الوعاء على الكفتة بعد إضافتها للصلصة الحمراء حتى تصل لتمام التسوية.

** يمكن عمل كفتة داوود باشا بنفس المكونات ولكن بدون تحمير كرات الكفتة فى مقلاة، حيث ندهن صينية مناسبة بالسمن أو الزبدة الذائبة ثم نقوم برص كرات الكفتة فى أرضية الصينية، ونُضيف حوالى نصف لتر من ماء الصنبور للصينية، وذلك ليعمل تبخير الماء فى درجة حرارة الفرن على تسوية سهلة وسريعة للكفتة.

نقوم بتسخين الفرن قبل وضع الصينية به، وذلك على درجة حرارة 180°م لمدة ربع ساعة، نُدخل بعدها الصينية إلى الفرن على الرف السفلى لمدة ربع ساعة أو حتى يتبخر الماء، ثم ننقل الصينية إلى الرف الأوسط مدة 5-10 دقائق، بعدها نختبر تسوية الكفتة بغرس شوكة أو سكينة حادة بها، فإذا انغرست بسهولة دل ذلك على تمام التسوية. توضع الكفتة تحت شواية الفرن لمدة 3 دقائق للحصول على لون التحمير المناسب. بعد ذلك يتم استخراج الكفتة من الفرن وإضافة الصلصة الحمراء لها وتقديمها على سفرة الغداء.

تقدم كفتة داوود باشا مع الأرز الأبيض المصرى أو الأرز المصرى بالشعرية، ويُفضل وضع البقدونس ليس فقط للتزيين ولكن ليتم أكله مع الكفتة، لأنه يمتاز بقدرته العالية على امتصاص الدهون الضارة وإذابتها.

دى كانت وصفتنا لعمل كفتة داوود باشا فى البيت، جربوها واستمتعوا بكل لحظة فيها، وبالهنا.