أول حُب.. فى حياة كل واحد أو واحدة فينا قصة للحب الأول، وأنا فى الأكل كان أول حُب ليا، هو حب المكرونة باللحمة المفرومة.. حبيتها من كل قلبى واتعلقت بيها بكل مشاعرى، وكمان بكل حواسى وطبعا معدتى! كانت أحلى مكرونة باللحمة المفرومة، هى اللى بناكلها لما نروح نقعد فى نادى الزمالك، وننزل حمام السباحة نبلبط زى كل الأطفال، وماما معانا، وعلى العصر، بابا كان يحصلنا بعد شغله، وندخل مطعم النادى ونعمل أوردر، وطبعا كنت بطلب مكرونة باللحمة المفرومة.. أقول لكم إيه عن طعمها، كان خيالى.. ومن ساعتها وقعت فى غرام الطبق ده، ولما كبرت بقيت أعمله فى البيت لأسرتى، واللى كلهم حبوا طعمه من ايدى!

وصفة المكرونة باللحمة المفرومة، وصفة سهلة جدا، هى محتاجة بس إننا واحنا بنعملها نركز في المقادير وطريقة التحضير، بمجرد ما نعرفهم صح ونعملها مرة واحدة صح، بتظبط جدا معانا وبتبقى عشق لا ينتهى.. يلا نتعرف على المكونات وطريقة التحضير.

طريقة تحضير مكرونة باللحم المفروم:  

المكونات:

350 جم مكرونة قلم

1/2 كيلو لحم مفروم

بصلة متوسطة

3 ملعقة طعام صلصة طماطم

1/4 لتر عصير طماطم

ملعقة شاى ملح

1/4 ملعقة شاى فلفل أسود

 1/4 ملعقة شاى بهارات لحم

1/4 ملعقة شاى قرفة

ملعقة شاى زيت زيتون

جبنة بارميزان مبشورة (للتزيين – حسب الرغبة)

ريحان طازج (للتزيين – حسب الرغبة)

طريقة التحضير:

فى وعاء عميق نضع حوالى لتر ونصف من الماء ونضيف إليه حوالى ملعقة شاى من الملح ونتركه حتى يصل لدرجة الغليان.

بعد غليان الماء نضيف المكرونة ونخفض درجة الحرارة إلى هادئة، ونقلبها حتى لا تلتصق بقاع الوعاء، ونترك المكرونة فترة من 8-12 دقيقة لتصل لمرحلة التسوية، ويُراعى ألا نترك المكرونة تصل للتسوية التامة، يجب أن نرفعها وهى غير كاملة التسوية أى بها (عضَّة) كما يتم طهيها تماما فى إيطاليا، حيث سنستكمل تسويتها فى الخطوات التالية. وأثناء فترة تسوية المكرونة، نبدأ فى تحضير اللحم المفروم.

فى مقلاة عميقة نضع زيت الزيتون، ثم نضيف لها البصلة بعد تقطيعها لشرائح صغيرة جدا، ونُقلبها فى الزيت لمدة دقيقتين ونُقلب المكونات جيدا لمدة دقيقتين، ثم نقوم بعدها بإضافة اللحم المفروم، ثم نُضيف الملح والفلفل وباقى البهارات، ونُقلب مرة أخرى، ثم نُغلق الغطاء ونترك المكونات على نار هادئة جدا لمدة نصف ساعة، نلاخظ بعدها جفاف السوائل الموجودة، فى هذه اللحظة نُضيف معجون الطماطم وعصير الطماطم للمكونات ونُقلبها جميعا جيدا مع بعضها البعض.

نضيف رشة من الملح للمكونات ونقلبها جيدا، ونقوم بتغطية الوعاء ونترك المكونات لمدة ساعة لتصل للتسوية الكاملة.

نستخرج المكرونة بعد تسويتها وتصفيتها من الماء، ونضعها مباشرة فى الوعاء المحتوي على اللحم المفروم، ونقلب جميع المكونات جيدا.

نضع المكرونة فى طبق التقديم، ونزينها بالجبنة البارميزان وورق الريحان الطازج، وتُقدم.

دى كانت وصفتنا للمكرونة باللحمة المفرومة، الطعم خرافة ولذيذ جدا، أتمنى تكونوا استمتعتوا بيها، ولو حابين تشوفوها الطريقة فيديو افتحوا الرابط ده.